2 Moze
15 Me luo daʼö, manunö Moze khö Yehowa awö ndraono Gizaraʼeli,+
”Omasido manunö khö Yehowa börö waʼamönania solakhömi.+
Itiboʼö kudo ba nasi awö zi fakudo.+
2 Yehowa* zangabeʼeʼö ba sangabölöʼö yaʼo. Yaʼia wangorifigu.+
Yaʼia Lowalangigu, ba usuno ia.+ Yaʼia Lowalangi ndra tuagu,+ ba ufolakhömi ia.+
3 Yehowa andrö saradadu sabölö,+ Yehowa döinia.+
4 Itiboʼö ba nasi+ gureta wasuwöta hegöi saradadu Waraʼo;
Ihöndrögö ba Nasi Soyo+ zaradadunia fondrege zabölö.
5 Ibözi ira dulu nasi ba ibalugö ira. Ahöndrö ira simane kara ba nasi sabakha.+
6 He Yehowa, sindruhu wa abölö dangau kambölö;+
He Yehowa, tola ifakiko nudu tangau kambölö.
7 Fondrege zabölö ndraʼugö irege tola öhori niha samadaö khöu.+
Fönumö si hola-hola zi manga yaʼira hulö döla wakhe.
8 Ba hanu-hanumö tola mosindro nidanö;
Mosindro nidanö ba ahono simane towa;
Baku nidanö sodulu ba dalu nasi.
9 Imane udu, ’Ugohi ba uraʼu ira!
Ubagi-bagi gahulua irege ahono dödögu!
Usöbi wödagu! Tangagu zokalaisi yaʼira!’+
11 He Yehowa, haniha Lowalangi si fagölö-gölö khöu?+
Haniha zimane yaʼugö, Fondrege Niʼamoniʼö?+
No sinangea labeʼe khöu zumange faoma sinunö fanuno, no öfalua zahöli-höli dödö.+
12 Öfazawa dangau kambölö, ba itölö ira tanö.+
13 Börö waʼomasimö si lö faröi, ögogohe danga nono mbanuamö si no öhöli;+
Börö waʼabölömö, öfasao ira ba nahia niʼamoniʼö khöu.
14 Larongo fefu soi;+ ataʼu ira dania si fao fanizi-nizi;
Faʼafökhö dania nirasoi niha Wilisiti.
15 Ba luo daʼö, agataʼu ndra sondröniaʼö mado Gedomo.
Manizi ndra samatörö sagabölö moroi ba Moabi.+
Afatö dödö mbanua niha Ganaʼana.+
16 Ihawui ira faʼataʼu.+
Ahono ira simane kara börö waʼabölö daʼiomö,
Irege latörö ono mbanuamö, he Yehowa,
17 Öʼohe dania nono mbanuamö ba hili khöu, ba daʼö öfataro ira.*+
He Yehowa, daʼö nahia si no öfaʼanö tobali nahia waʼatoröimö.
He Yehowa, daʼö naha niʼamoniʼö nifazökhi dangau.
18 Yehowa zamatörö tobali razo götö-götö waʼara.+
19 Me ofeta ba nasi kudo Waraʼo awö gureta wasuwöta hegöi ira saradadunia,+
Ifuli ifahalö nasi Yehowa ba ihawui ira.+
Hizaʼi, laʼötö nasi andrö iraono Gizaraʼeli hulö na ba danö sabeʼe so ira.”+
20 Aefa daʼö, ihalö damburu Miriya ira alawe samaʼeleʼö andrö, ba fefu ndra alawe labözi damburu ba manari ira. 21 Ifaʼema göi zinunö ndra matua andrö Miriya. Manunö ia,
”Miʼanunö khö Yehowa, börö waʼamönania solakhömi.+
Itiboʼö kudo ba nasi awö zi fakudo.”+
22 Aefa daʼö, idöniaʼö ndraono Gizaraʼeli Moze ba wofanö moroi ba Nasi Soyo numalö ba Danö si Mate Suri. Latörö danö si mate tölu hari waʼara ba lö lasöndra nidanö. 23 Ba gafuriata, ofeta ira ba Mara,*+ hizaʼi tebai labadu nidanö ba daʼö börö me afeto. Daʼö mbörö wa ifotöi nahia daʼö Mara. 24 Börö daʼö, fatahi* ira khö Moze+ lamane, ”Hadia tabadu?” 25 Mangandrö fanolo Moze khö Yehowa+ ba iforomaʼö khönia Yehowa döla geu sise-ise. Me ifazaumba geu daʼö Moze ba nidanö, izumaigö ami nidanönia.
Iʼogunaʼö zalua andrö Lowalangi tobali duma-duma enaʼö laʼila hadia niʼandrönia khöra. Ifareso ira Lowalangi hadia laʼoʼö niwaʼönia mazui löʼö.*+ 26 Imane Lowalangi, ”Mifondrondrongo wehede Lowalangimi Yehowa soroi ba dödö. Mifalua zatulö föna hörögu. Miʼameʼegö tödö goroisagu ba miʼoʼö zi no ufakhoi.+ Na mifalua daʼö, lö ufatörö khömi ngawalö wökhö simane nifaluagu ba niha Miserai.+ Yaʼo Yehowa zondrorogö yaʼami enaʼö lö mofökhö ami.”+
27 Aefa daʼö larugi Gelima, so ba daʼö 12 gumbu nidanö ba 70 ngaʼeu döla geu khorema. Ba lafazökhi nosera ba zinga gumbu nidanö andrö.