Sinunö
Khö zondröniaʼö. Sinunö Dawido. Sambua sinunö.
109 He Lowalangi nisunogu,+ böi honogö manö ndraʼugö.
2 Lafadunö-dunö lala ba wolawa yaʼo ira niha si lö sökhi hegöi si falimo.
Lalimo ndraʼo faoma lelara sanandrösa ba khögu;+
3 No lafaʼuʼu ndraʼo faoma fehedera si lö sökhi,
Ba lasuwö ndraʼo ba zi lö börö.+
4 Laböbögö khögu zi lö sökhi sulö waʼomasigu;+
Hizaʼi, lö uböhöli wangandrö.
6 Akha niha si lö sökhi zangetuʼö hukunia;
Akha so niha ba gambölönia samobahulu* yaʼia.
9 Yatobali si lö ama ndraononia,*
Ba yatobali lakha mbanua woʼomonia ira alawe.
10 Yamuzawili misa nononia* ba wangandrö-ngandrö gö,
Akha laʼalui göra ba nomora si no adudu.
11 Yalahalö gokhötania ira sanugi foʼömö,*
Ba yalarabu haratonia niha baero.
12 Yalöhadöi niha si sökhi tödö* khönia,
Ba lö hadöi sangomasiʼö iraononia si lö ama.
14 Yalöʼolifu Yehowa golalöwa ndra tuania,+
Ba yalöteʼefaʼö horö ninania.
15 Yalöʼolifu Yehowa ngawalö nifaluara;
Ba yalöhadöi töira ba gulidanö;+
16 Börö me olifu ia wamalua faʼasökhi dödö,*+
Ba lö iböhöli wolohi niha nifakao,+ si numana,
Hegöi si no arasa tödö enaʼö ibunu.+
17 Omasi ia mangelifi irege göna khönia wangelifi;
Lö omasi ia wamahowuʼö irege lö isöndra howu-howu.
18 Iʼobaru wangelifi,
Si möi bakha ba mbotonia hulö nidanö
Ba si möi bakha ba dölania hulö wanikha.
19 Yahulö mbaru nifakenia wangelifi andrö+
Ba hulö mböbö löwi si lö aefa ba löwi-löwinia.
20 Daʼö zulö nifalua Yehowa ba niha solawa yaʼo+
Ba sangumaʼö fehede si lö sökhi sanandrösa khögu.
21 He Yehowa Lowalangi Fondrege Zalawa,
Tolo ndraʼo börö döimö.+
Efaʼö ndraʼo börö me sökhi waʼomasimö andrö si lö faröi.+
23 Arakhagö mate ndraʼo hulö lumö-lumö si taya;
Laʼangewegö ndraʼo simane tamo.
24 Ombuyu mbalö duhigu ba wamalua fuasö;
Hatö töla ndraʼo.*
25 Tobali fangoʼayara ndraʼo.+
Lafalikhö-likhö högöra ero laʼilado.+
26 He Yehowa Lowalangigu, tolo ndraʼo;
Efaʼö ndraʼo börö waʼomasimö si lö faröi.
27 Akha aboto ba dödöra wa tangamö andrö zangefaʼö yaʼo;
Wa yaʼugö Yehowa zamalua daʼö.
28 Na mangelifi ira ba yaʼöfahowuʼö ndraʼo.
Na tohare ira ba wolawa yaʼo, ba yateʼailasi ira,
Ba yaʼomuso dödö genonimö.
30 Bawagu dania zanuno Yehowa si fao fehiʼa dödö;
Usuno dania ia föna niha sato.+
31 Mozizio Lowalangi ba gambölö niha si numana
Ba wangefaʼö yaʼia moroi ba danga niha sanguhuku yaʼia.