Sangombakha
10 Na mate ngalö-ngalö, aböu ba owoyu wanikha somuhua khö zamazökhi yaʼia. Simane daʼö göi waʼabodo si ha maʼifu tola ifakiko waʼatua-tua hegöi lakhömi.+
2 Tödö niha satua-tua daʼö zolohe yaʼia ba lala satulö,* hizaʼi tödö niha si bodo idönisi ia ba lala faʼelungu.*+ 3 Gofu hezo itörö niha si bodo ba hasambalö ambö waʼaboto ba dödönia,+ lö ibiniʼö föna niha sato wa si bodo ia.+
4 Na mofönu khöu zi samösa samatörö, böi ofanö ba nahiamö,+ börö me iʼalösi horö sebua faʼahono andrö.+
5 So wangabu dödö salua niʼilagu ba gulidanö,* yaʼia daʼö olalöwa si toʼölö lafalua ira samatörö:+ 6 Labeʼe dadaoma salawa ba niha si bodo, hizaʼi tanö si tou labeʼe dadaoma niha si kayo.*
7 Latörö kudo ira sawuyu, hizaʼi latörö ahe ira segebua faka simane sawuyu.+
8 Niha sogao tögi, tola manö yaʼia dania zaekhu bakha,+ ba niha sanölaʼö towa kara, tola manö yaʼia dania nidou gulö.
9 Niha sogao kara ba tola mesokho, ba niha sanila eu tola göna ia silako.*
10 Na afuru wato ba na lö mudali, erege dödö niha sangogunaʼö. Hizaʼi lua-lua waʼatua-tua ba mofozu.
11 Na fadou gulö fatua lö mutaka ba lö eluaha tuka zanaka.
12 Fehede niha satua-tua tobali fangomuso dödö,+ hizaʼi bewe niha si bodo zamaʼala faʼaurinia.+ 13 Fehede si oföna alua ba mbawania yaʼia daʼö faʼabodo,+ fehedenia safuria yaʼia daʼö faʼowöhö mowa solohe ba wamakiko. 14 Lö iböhöli wahuhuosa niha si bodo.+
Lö niha sangila hadia zedöna alua. Haniha zi tola mangombakha khönia hadia zalua na no mate ia?+
15 Tobali fangerege dödö niha si bodo halöwönia, börö me lö iʼila lala si numalö miyomo ba mbanua.
16 Hawaʼalösökhi soi na iraono side-ide zi tobali razo,+ iʼotarai sihulö wongi manga ba mamadu-madu ndra sondröniaʼö! 17 Hawaʼomuso dödö soi na ngaʼötö duhenöri razonia, ba manga ndra sondröniaʼö ba ginötönia enaʼö ifuli abölö ira, tenga ba wemabu-mabu!+
18 Börö waʼareu niha andrö wa aöndrö tou gasö matua, ba börö wanalagui tödö andrö wa atöla nomo.+
19 Muhenaigö roti* enaʼö maʼiki, ba tobali fangomuso dödö wamadu agu.+ Hizaʼi, kefe zangaʼasogö fefu soguna.+
20 Böi elifi razo+ hewaʼae na ha bakha ba dödöu,* ba böi elifi niha si kayo ba mbateʼemö, börö me tola ifaʼema wehedemö andrö fofo,* ba tola lafuli latötöi wehedemö urifö soʼafi.