Yesaya
64 Enaʼö na ösika mbanua si yawa ba möiʼö tou,
Irege modögö hili börö ndraʼugö,
2 Simane me akhozi ndruʼu sodoi,
Ba simane me moʼotu nidanö,
Larongo dania döimö andrö si faʼudu khöu,
Ba manizi ngawalö soi fönau!
4 Iʼotarai mböröta, lö hadöi si no irai mamondrongo mazui moʼameʼegö tödö,
Ba lö irai laʼila Lowalangi simane yaʼugö,
5 Ötemaʼö niha somasi mamalua sindruhu,+
Sanörö tödö yaʼugö ba soloʼö lala andrö khöu.
Mofönu ndraʼugö börö me lö maböhöli wamalua horö,+
No ara mafalua zala.
Hadia sinangea na teʼorifi ndraʼaga?
6 No tobali ndraʼaga simane niha si raʼiö,
Ba fefu gamuatama si sökhi hulö nukha-nukha niʼogunaʼö ndra alawe safökhö talu.+
Aleu ndraʼaga simane bulu lehu,
Ba hulö nangi sangoloiʼö yaʼaga zala si no mafalua.
7 Lö hadöi sogaoni töimö,
Lö hadöi si terou tödö ba wangolembai yaʼugö,
Börö me no öbiniʼö khöma mbawau,+
Ba ölulu ndraʼaga ba waʼatekiko börö zala si no mafalua.
8 He Yehowa, yaʼugö Namama iadaʼa.+
9 He Yehowa, böi kilaini wofönu,+
Böi törö tödöu zala si no mafalua sagötö faʼara.
Maʼandrö khöu, faigi ndraʼaga börö me no ono mbanuau ndraʼaga fefu.
10 Tobali tanö si mate mbanua niʼamoniʼö andrö khöu.
Tobali tanö si mate Ziona,
Ba tobali tanö si lö niha-niha Yeruzalema.+
11 No latunu ba galitö gosali* andrö khöma,+
Niʼamoniʼö ba solakhömi,*
Naha ndra tuama ba wamosumange yaʼugö,
Ba no ahori adudu fefu gama-gamama sebua böli.
12 He Yehowa, hadia ötaha nasa dödöu me no öʼila daʼö fefu?
Hadia öhonogö manö ndraʼugö ba ötehegö tefakao sibai ndraʼaga?+