Famaʼeleʼö Nitema Yohane
3 ”Ömane wanura khö malaʼika ba mbanua niha Keriso ba Zade: Daʼa wehede zangokhögö si fitu eheha Lowalangi+ ba si fitu döfi andrö:+ ’Aboto ba dödögu nifaluamö. Ha ba döi wa sauri ndraʼugö, sindruhunia sa no mate.+ 2 Börö daʼö, angelama+ ba aroʼö zi toröi nasa, si no arakhagö mate, börö me uʼila lö sawai öfalua halöwöu föna Lowalangigu. 3 Törö-törö tödöu zi no ötema ba si no örongo. Böi böhöli woloʼö ba falalini gera-erau.+ Na lö maosoʼö, tohare ndraʼo hulö zanagö+ ba lö öʼila hawaʼara toharedo.+
4 ”’Hizaʼi, so ösa niha ba Zade si lö manaʼunöisi barura.+ Fao ira khögu ba lafake mbaru safusi+ börö me sinangea ira. 5 Niha si möna+ lafake mbaru safusi.+ Lö irai uheta döinia ba zura wangorifi.+ Ufaduhuʼö ia föna Namagu hegöi föna ndra malaʼikania.+ 6 Yaʼami si so talinga, mifondrondrongo niwaʼö geheha niʼamoniʼö ba mbanua niha Keriso.’
7 ”Ömane wanura khö malaʼika ba mbanua niha Keriso ba Wiladefia: Daʼa niwaʼö niʼamoniʼö+ ba si duhu andrö,+ sololohe ono kusi Dawido.+ Na ibokai mbawandruhö, lö hadöi si tola mondruhö, ba na ifuli iduhö, lö hadöi si tola mamokai. Imane, 8 ’Aboto ba dödögu nifaluamö. Uʼila wa ambö faʼabölöu, hizaʼi öʼoʼö wehedegu ba lö faröi ndraʼugö khögu. No ubokai khöu mbawandruhö+ ba samösa lö si tola mondruhö yaʼia. 9 Daʼa nifaluagu ba niha si fao ba gangowuloa* tana khö Zatana, si falimo ba sangotöigö wa niha Yahudi ira, sindruhunia sa tenga.+ Ufatenge ira enaʼö mangalulu föna gaheu ba enaʼö laʼila wa uʼomasiʼö ndraʼugö. 10 Börö me öʼoʼö duma-duma waʼanau gölögu,+ urorogö göi ndraʼugö sagötö alua wanandraigö+ ba zi sagörö ulidanö. Wa alua daʼö enaʼö tetandraigö fefu niha ba gulidanö. 11 Alio tohare ndraʼo.+ Böi böhöli wamalua hadia zi no öfalua enaʼö lö hadöi sangai khöu takula andrö.+
12 ”’Niha si möna ubaliʼö ehomo ba gosali Lowalangigu, ba lö hadöi si tola mangeheta yaʼia moroi ba daʼö. Usura khönia döi Lowalangigu+ ba töi mbanua Lowalangigu, yaʼia daʼö Yeruzalema si Bohou+ si otarai zorugo moroi khö Lowalangigu. Usura göi khönia döigu si bohou.+ 13 Yaʼami si so talinga, mifondrondrongo niwaʼö geheha niʼamoniʼö ba mbanua niha Keriso.’
14 ”Ömane wanura khö malaʼika ba mbanua niha Keriso ba Laodikia:+ Daʼa niwaʼö Yaduhu+ andrö, yaʼia zamaduhuʼö+ si lö faröi ba satulö,+ siföföna niwöwöi Lowalangi:+ 15 ’Aboto ba dödögu nifaluamö. Lö okafu ndraʼugö ba lö aukhu. Omasido na okafu ndraʼugö mazui aukhu. 16 Börö me hulö zanakhö-nakhö ndraʼugö, lö aukhu+ ba lö göi okafu,+ andrö wa uʼutaʼö ndraʼugö moroi ba mbawagu. 17 Ömane, ”Kayo ndraʼo+ ba oya gokhötagu. Lö hadöi soʼamböta ndraʼo.” Hizaʼi, lö aboto ba dödöu wa si tosasa ndraʼugö ba sabu tödö. Numana, auʼa ba lö nukha. 18 Andrö ufarou ndraʼugö enaʼö öʼöli gama-gama andre moroi khögu: anaʼa nifatörö ba galitö enaʼö kayo ndraʼugö, nukha safusi enaʼö lö aila ndraʼugö ba wa lö nukha,+ dalu-dalu niguleʼö ba hörömö+ enaʼö öʼila niha.+
19 ”’Utegu ba ufotu fefu niha niʼomasiʼögu.+ Börö daʼö, falalini gera-erau ba yaʼowölö-ölö ndraʼugö.+ 20 Mosindro ndraʼo föna mbawandruhö ba utoko. Na so zamondrongo ligu ba ibokai mbawandruhö, möido yomo ba nomonia. Aefa daʼö, fao ndraʼaga wemanga na bongi. 21 Niha si möna+ utehegö fao ia wedadao ba dadaomagu,+ simane yaʼo no möna ba dumadao ndraʼo+ ba dadaoma Namagu. 22 Yaʼami si so talinga, mifondrondrongo niwaʼö geheha niʼamoniʼö ba mbanua niha Keriso.’”