Sinunö
Khö zondröniaʼö sinunö: Tefaudu moloʼö ”Bunga Lili”. Sinunö ngaʼötö Gora.+ Masikili.* Sinunö faʼomasi.
45 Moʼugu-ugu dödögu börö zi sökhi.
Umane, ”Sinunögu* andre sanandrösa khö zi samösa razo.”+
Yahulö fena lelagu+ khö zonekhe manura.+
2 Ha yaʼugö zabölö siga-siga ba gotalua nono niha.
Mangele moroi ba mbeweu wehede omasiö.+
Daʼö mbörö wa ifahowuʼö ndraʼugö Lowalangi sagötö faʼara.+
4 Ba waʼebua lakhömimö, faondragö waʼamöna;+
Abölökö wamandruo kudo börö niha sangide-ngideʼö andrö ba börö zindruhu hegöi faʼatulö,+
Ba tangau kambölö zamalua* ngawalö zahöli-höli dödö.
5 Fanamö andrö satarö ba no tetaru ba dödö zi faʼudu khö razo;+
Fefu soi ahori telögu ira tanö fönau.+
6 Lowalangi zamataro yaʼugö tobali samatörö* sagötö faʼara;+
Siʼo Wamatörömö yaʼia daʼö siʼo faʼatulö dödö.+
7 Omasi ndraʼugö zindruhu+ ba fatuwuʼö zi lö sökhi.+
Daʼö mbörö wa ibayoini ndraʼugö Lowalangi+ faoma fanikha,+ ba ibeʼe khöu waʼomuso dödö si tohude moroi khö razo tanö böʼö.
8 Omuhua fefu nukhamö börö gemuri, gaharu* awö mbunga lawang;
Omuso dödöu wamondrongo fakake zinunö nifoli moroi ba gödo razo nifogama-gama ifö gaza.
9 Ba gotalua ndra alawe nifosumangemö, ba daʼö so ndraono razo ono alawe.
Mozizio ratu ba gambölömö, si no mufogama-gama anaʼa Ofiri.+
10 Fondrondrongo yaʼugö onogu alawe, ameʼegö tödö ba beʼe mbörö dalingau;
Böi törö-törö tödöu soimö hegöi ösi nomo namau.
11 No toröi-röi ba dödö razo waʼabaga-bagamö,
Angalulu khönia
Börö me yaʼia zokhö yaʼugö.
12 Tohare nono alawe moroi ba Diro ba wolohe buala;
Niha fondrege zebua anaʼa laforege wangai tödöu.
13 Sindruhu-ndruhu molakhömi nono razo yomo ba gödo razo;
No mufogama-gama anaʼa nukhania.
14 Laʼohe ia föna razo ba no ifake nukha nisoso si sökhi sibai.*
Laʼohe göi fönamö ndraono alawe soloʼö yaʼia moroi furi.
15 Laʼohe ira yomo ba gödo razo,
Si fao faʼomuso dödö ba faʼowua-wua dödö.
16 Iraonou dania zi tobali fangali ndra tuamö.
Yaʼugö dania zamataro yaʼira tobali sondröniaʼö ba zi sagörö ulidanö.+
17 Tehöngö döimö ubeʼe götö-götö waʼara.+
Daʼö mbörö wa lasuno ndraʼugö fefu soi irugi zi lö aetu.