Amaedola
2 He onogu, na öfondrondrongo wehedegu
Ba na öʼameʼegö tödö* goroisagu,+
2 Na öbeʼe göi mbörö dalingamö ba waʼatua-tua,+
Ba öbokai dödöu ba wangera-ngera si sökhi;+
3 Baero daʼö, na ökaoni waʼaboto ba dödö,+
Ba na muʼao ndraʼugö ba wangera-ngera si sökhi;+
4 Na öʼalui daʼö fefu simane fangalui firö,+
Ba öʼalui ia simane fangalui girö-girö si tobini;+
5 Awena dania öʼila geluaha wangataʼufi Yehowa,+
Ba ösöndra waʼaboto ba dödö sanandrösa khö Lowalangi.+
6 Börö me Yehowa zameʼe faʼatua-tua;+
Moroi ba mbawania alua waʼaboto ba dödö ba fangera-ngera si sökhi.
8 Ifaigi-faigi lala niha satulö,
Ba ilumöʼö lala niha si lö faröi khönia.+
10 Na möi ba dödöu waʼatua-tua+
Ba na omuso dödöu ba waʼaboto ba dödö,+
11 Irorogö ndraʼugö faʼaboto ba dödö,+
Ba ilumöʼö ndraʼugö fangera-ngera si sökhi,
12 Ba wangefaʼö yaʼugö moroi ba lala si lö sökhi,
Moroi ba niha samadunö-dunö ngawalö huo-huo selungu,+
13 Moroi ba niha sangerogö lala satulö
Ba wanörö lala sogömi-gömi,+
14 Moroi ba niha somasi mamalua si lö sökhi,
Somuso tödö ba ngawalö zi lö sökhi ba faʼelungu,
15 Sabila lala
Ba sanörö lala falimosa.
16 Iʼefaʼö ndraʼugö faʼatua-tua andrö moroi khö ndra alawe si lö sökhi,*
Ba wehede salösö moroi khö ndra alawe sohorö-horö,*+
17 Sondröi foʼomonia ira matua* me awuyu-wuyu ia nasa+
Ba iʼolifugö mbuʼusa linia khö Lowalangi;
18 Na möiʼö ba nomonia, hulö na möiʼö ba waʼamate,
Lala sofeta ba nomonia saekhu ba lewatö.+
19 Dozi si möi ba nomonia, tebai saʼae mangawuli,
Ba lö isöndra lala wangorifi.+
20 Börö daʼö, törö lala niha si sökhi
Ba böi bulöʼö wanörö lala niha satulö.+