Sinunö
104 Daʼusuno Yehowa.+
He Yehowa Lowalangigu, yaʼugö wondrege zolakhömi.+
Öʼobaru zumange awö lakhömi.+
3 Ifazökhi döla-döla mbateʼenia tanö yawa ba dete nidanö, ba mbanua si yawa,+
Ibaliʼö kuretania lawuo,+
Itörö gafi nangi.+
4 Ibaliʼö boto eheha sagabölö ndra malaʼikania,
Ba hulö galitö sangohori ndra enoninia.+
6 Me mböröta, no öbalugö ia faoma idanö sabakha hulö mbaru sebua.+
So nidanö yawa hili-hili.
7 Fabali fefu nidanö andrö ba hagö-hagömö;+
Mukhölö khöra danö ba moloi ira ba weʼugu-ugu mbanua andrö khöu,
8 Muzawa yawa hili+ ba ahöndrö si tou ndraso,
Ba nahia si no ötatugöi khöra.
9 No ötatugöi nola si tebai lasawö,+
Enaʼö lö saʼae ifuli labalugö danö.
10 Ifatenge nidanö misa ba ndraso;
Mangele ira ba gotalua hili.
11 Lafabadugö nidanö ba gutu ndruʼu ba mbenua;
Döhö waʼowökhi dödö galide gatua.
12 Ba zingania manuge wofo;
Manunö ira ba gotalua mbulu geu satabö.
13 Ihawui hili moroi ba nahiania si yawa.+
Teʼabusoiʼö danö ba mbua halöwö dangau.+
14 Ifatumbuʼö ndruʼu balazo gurifö
Awö zinanö soguna ba niha,+
Sangaʼasogö soguna moroi ba danö
15 Ba agu si möi fangomuso dödö niha,+
Fanikha sangohahauʼö sikhala,
Hegöi roti sangabölöʼö tödö niha.+
16 Fahöna nidanö ba döla geu andrö khö Yehowa,
Eu eresi Libano nitanönia,
17 Nahia wangazuni wofo.
Ba döla geu juniper so nomo dumbao.+
19 Ifazökhi mbaŵa si tobali tandra ginötö;
Iʼila luo hawaʼara aekhu ia.+
20 Öʼasogö zogömi-gömi ba alua zi bongi,+
Daʼö ginötö weʼamöi baero fefu gutu ndruʼu moroi ba gatua.
22 Ba ginötö tumbu luo,
Mangawuli ira ba nahiara ba lafadölö ira.
23 Mofanö niha wohalöwö,
Laforege wohalöwö ofeta bongi.
24 Sindruhu waʼoya nifazökhi dangau yaʼugö Yehowa!+
Öfazökhi fefu daʼö ba waʼatua-tuamö.+
Afönu gulidanö ngawalö nifazökhiu.
25 Abakha sibai nasi ba ebolo,
So ba daʼö gurifö segebua awö zide-ide.+
27 Ladöna-döna ndraʼugö
Ba wameʼe soguna khöra ba ginötönia.+
28 Nibeʼeu khöra ba laʼowuloi.+
Abuso ira ngawalö zi sökhi ba ginötö öbokai dangau.+
29 Na öbiniʼö khöra mbawamö ba abu dödöra.
Na öhalö nosora ba mate ira irege tobali gawu-gawu.+
30 Na öfaduwa gehehamö niʼamoniʼö ba tewöwöi ira,+
Ba öfataro waʼauri si bohou ba gulidanö.
31 Lö tebulö lakhömi Yehowa sagötö faʼara.
Omuso dödö Yehowa ba mbua halöwönia.+
32 Na ifaigi gulidanö ba manizi gulidanö;
Na ibabaya hili ba manimbo ira.+
34 Yaʼomuso dödönia ba wangera-ngeragu.*
Owua-wua dödögu börö Yehowa.
35 Taya niha sebua horö ba gulidanö,
Ba lö hadöi saʼae niha si lö sökhi.+
Daʼusuno Yehowa. Haleluya!*