Famaʼeleʼö Nitema Yohane

4 Aefa daʼö, uʼila sambua mbawandruhö si no teboka ba zorugo. Li si oföna urongo andrö hulö li dorofe imane, ”Aine yawa ba daʼa. Uforomaʼö khöu hadia zedöna alua.” 2 Aefa daʼö, iʼanemaiʼö mohalöwö khögu geheha niʼamoniʼö, ba uʼila sambua dadaoma ba zorugo, ba so zi dadao ba dadaoma andrö.+ 3 Si dadao ba dadaoma andrö mohaga hulö gara yasibi+ ba kara saradi.* Ba zi fasui dadaoma andrö so ndrumi samasui yaʼia hulö zamurudi.*+

4 So 24 dadaoma samasui dadaoma andrö, ba uʼila so 24 zatua sokubaloi+ si dadao ba dadaoma daʼö. No lafake nukha safusi ba takula anaʼa. 5 Moroi ba dadaoma andrö alua gari mbanua,+ ba urongo li si hede si fao feʼugu-ugu mbanua.+ Föna dadaoma andrö, so fitu ngawua wandru si hulö galitö si hola-hola si no amaedola fitu geheha niʼamoniʼö moroi khö Lowalangi.+ 6 Tanö föna dadaoma andrö so zi hulö nasi sörömi,+ simane baluri.

Dadaoma daʼö no so ba gotalua, ba no lafasui ia daöfa kerubi.+ Afönu nösira hörö, he furi hegöi föna. 7 Kerubi siföföna hulö zingo,+ si dua hulö zawi si matua,+ si tölu+ hulö zikhala niha, ba si öfa+ hulö moyo si hombo.+ 8 Ero samösa kerubi, so önö ngawua gafira ba oi afönu gafira andrö hörö.+ Bongi maʼökhö lö laböhöli wangumaʼö, ”Niʼamoniʼö, niʼamoniʼö, niʼamoniʼö Lowalangi Yehowa,*+ Fondrege Zabölö, si no so iʼotarai mböröta, si lö tebulö so, ba si so dania.”+

9 Fefu ndra kerubi andrö labeʼe zumange, lakhömi, ba fangandrö saohagölö khö zi dadao ba dadaoma andrö, sauri irugi zi lö aetu. Ero lafalua daʼö ira kerubi,+ 10 latuhi danö ira satua sokubaloi si 24 andrö,+ mangalulu ira föna zi dadao ba dadaoma daʼö, sauri irugi zi lö aetu. Latouʼö göi dakulara föna dadaoma andrö ba lamane, 11 ”No sinangea ötema zumange,+ lakhömi,+ faʼabölö,+ yaʼugö Yehowa* Lowalangima, börö me yaʼugö zamazökhi fefu hadia ia+ ba börö gohitö dödöu wa tefazökhi ia.”