Yesaya
2 Ba afönu khönia geheha Yehowa.+
Andrö wa so khönia waʼatua-tua,+ faʼaboto ba dödö fondrege zebua,
Fanuturu lala si sökhi, faʼabölö,+
Fangiʼila ba fangataʼufi Yehowa;
Lö ihuku niha moloʼö niʼila hörönia,
Mazui itegu niha moloʼö nirongo dögi dalingania.+
4 Ifalua zatulö ba wanguhuku niha si numana,
Adölö dödönia ba wameʼe degu-degu salahi niha sangide-ngideʼö ba gulidanö.
Iʼogunaʼö ziʼo si otarai mbawania ba wamözi ulidanö,+
Ba iʼogunaʼö hanu-hanu si otarai mbawania* ba wamunu niha si lö sökhi.+
5 Faʼatulö zi tobali böbö löwinia;
Ba faʼalöfaröi zi tobali böbö talunia.+
6 Orudu dania nasu gatua ba nono mbiri-biri,+
Fao harimo wemörö ba nono nambi,
Orudu dania nono zawi, singo hegöi urifö satabö;*+
Ba so samösa nono side-ide sokubaloi yaʼira.
7 Orudu manga zawi hegöi berua,
Ba ha sambua naha wemörö ndraonora.
Duʼu dania gö zingo simane ö zawi.+
8 Famai-mai dania ba zinga dögi daritö ndraono si lö aefa ba mbagi zusu;
Iʼoroʼö dangania ono side-ide* ba dögi gulö sobiso.
Mazui lafalua zi möi famakiko ba hili niʼamoniʼö andrö khögu,+
Börö me anönö danö faʼaboto ba dödö sanandrösa khö Yehowa
Simane faʼanönö doyo nasi andrö asi.+
10 Ba luo daʼö, tohare samösa ngaʼötö Gizaʼi+ si tobali tandra* ba ngawalö soi.+
11 Ba ngaluo daʼö, ifuli iʼoroʼö dangania Yehowa ba zi mendrua kali, ba wangai ono mbanuania si toröi ba Asiria,+ Miserai,+ Fataro,+ Kusi,+ Elama,+ Sineara,* Hamata hegöi moroi ba hulo si so ba nasi.+ 12 Ifazawa dandra* ba soi böʼö ba iʼowuloi ndraono Gizaraʼeli si no muzawili,+ simanö göi niha Yehuda si no fabali ba zi öfa watalinga danö.+
13 Taya dania waʼafökhö dödö Geferai,+
Ba tehori fefu niha si faʼudu khö Yehuda.
Lö afökhö dödö Geferai khö Yehuda,
Ba lö göi laʼuduni Geferai niha Yehuda.+
14 Laʼaliokö wofanö ba gaekhula, ba zinga* mbanua Wilisiti;
Fao ira ba wangoloiʼö niha moroi ba Gatumbukha.
15 Ifabali* Yehowa nasi sadöni bakha ba danö Miserai,+
Ba iʼoroʼö dangania ba Nungo Nidanö Oiferati.+