Halöwö Zinenge
12 Me luo daʼö, ibörögö igohi ösa niha ba mbanua niha Keriso Razo Herode.+ 2 Ibunu dalifusö Yohane+ sotöi Yakobo faoma föda.+ 3 Börö me omasi niha Yahudi wamaigi daʼö, andrö göi iraʼu Wetero. (Alua daʼa sagötö Fangowasaini Roti si Lö Mufaruka Ragi.)+ 4 Iraʼu Wetero ba ibeʼe ba gurunga,+ öfa ngawawa zanarogö yaʼia. Ero sambua ngawawa, daöfa zaradadu. Niʼera-erania, iʼohe Wetero föna niha sato* na no aefa Gowasa Fasa. 5 Sagötö feʼaso Wetero ba gurunga, lö laböhöli wangandrö salahinia ira talifusö ba mbanua niha Keriso soroi ba dödö.+
6 Me edöna iʼetuʼö hukumania Herode, yaʼia daʼö menewi ba zi bongi, no mörö Wetero ba dua rozi rate wamöbönia nifakhai khö zaradadu si darua. So göi zanaro föna mbawandruhö gurunga. 7 Ba zi lö mudöna-döna, mosindro malaʼika Yehowa* ba daʼö,+ ba mohaga fefu gurunga. Ifadögö-dögö Wetero imane, ”Aliokö faoso!” Ba atoto rate andrö ba danga Wetero.+ 8 Imane khönia malaʼika andrö, ”Fake mböbö löwimö ba sandralamö.” Ba ifalua daʼö Fetero. Aefa daʼö imane khönia malaʼika andrö, ”Fake mbarumö tanö baero ba oʼö ndraʼo.” 9 Möi baero Wetero iʼoʼö ia, hewaʼae lö iʼila wa nifalua malaʼika andrö sindruhu-ndruhu alua. Iwalingagö ha angilata. 10 Latörö naha zanaro siföföna ba si mendrua, aefa daʼö larugi mbawa göli siʼöli si numalö ba mbanua sebua, ba teboka manö mbawa göli andrö. Me no möi ira baero, latörö sabata lala si sara, izumaigö iröi ia malaʼika andrö. 11 Awena aboto ba dödö Wetero hadia zalua ba imane, ”Awena uʼila iadaʼa wa no ifatenge malaʼikania Yehowa* ba wangefaʼö yaʼo moroi ba danga Herode hegöi ba zi lö sökhi nidöna-döna niha Yahudi.”+
12 Aefa daʼö, möi ia ba nomo Maria, ina Yohane nifotöi Mareko.+ Ato niha sowulo ba daʼö ba mangandrö ira. 13 Me itoko mbawandruhö göli, möi baero samösa zawuyu ira alawe sotöi Rode ba wamaigi haniha zi tohare. 14 Me irongo li Wetero, omuso sibai dödönia irege lö ibokai mbawa göli, hizaʼi fagohi ia bakha ba nomo wangombakha wa so Wetero föna mbawa göli. 15 Lamane khönia niha, ”Owöhöʼö.” Hizaʼi lö ibato wangombakha wa so Wetero. Andrö lamane, ”Malaʼikania wöʼi daʼö.” 16 Gasa-gasa daʼö, lö ibato wanoko bawa göli Fetero. Me labokai, ba tokea ira me laʼila ia. 17 Hizaʼi, ifazawa dangania enaʼö böi mohede ira. Ihaogö wanutunö hewisa wangefaʼö Yehowa* yaʼia moroi ba gurunga. Aefa daʼö imane, ”Fatunö daʼa khö Yakobo+ hegöi khö ndra talifusö tanö böʼö.” Lö ara, möi ia baero ba mofanö ia ba nahia böʼö.
18 Ba zihulö wongi daʼö, abu dödö ndra saradadu börö me lö laʼila hadia zalua khö Wetero. 19 Iʼalui ia Herode misa, hizaʼi lö isöndra. Andrö isekhegö wanofu khö ndra sanaro, aefa daʼö iʼandrö enaʼö lahuku ira.+ Mofanö Herode moroi ba Yudea möi ia ba Kaisarea, ba daʼö toröi ia sabata.
20 Samuza maʼökhö, mofönu Herode ba niha Diro faoma Sidona. Börö daʼö, möi ira laʼondrasi ia. Me no ihalö dödö Mbalaso, sanaro ba gödo razo, laʼandrö wangatulö börö me ba soi Razo andrö lasöndra mbalazora. 21 Ba ngaluo si no latatugöi, modadao Herode ba gurusi wanguhuku, ifake nukhania ba waʼarazo ba ibörögö fahuhuo. 22 Ba muʼao niha sato, ”Fehede lowalangi daʼa, tenga fehede niha!” 23 Ba ginötö daʼö, iʼanemaiʼö ibözi ia malaʼika Yehowa* faoma fökhö börö me lö ifolakhömi Lowalangi. Aefa daʼö, iʼa ia kuö-kuö ba mate.
24 Itugu ato zamondrongo taromali Yehowa* ba monönö waʼato nifahaʼö.+
25 Sanandrösa khö Mbaranaba+ faoma Saulo, me no awai labeʼe wanolo ba Yeruzalema,+ fao ira khö Yohane+ nifotöi Mareko ba wangawuli.