Sinunö
Khö zondröniaʼö sinunö: Yedutuno.* Sinunö Dawido.
62 Udöna-döna Lowalangi si fao faʼebolo dödö.
Khönia iʼotarai fangorifigu.+
2 Yaʼia gowe saro khögu ba fangorifigu, nahia folumöʼö* khögu si lö ametaʼuö;+
Lö irai mangiwa ndraʼo ba alabu.+
3 Hawaʼara miböhöli wamakao si samösa niha ba wamunu yaʼia?+
Yaʼami andrö hulö dowa sanaere si tola mamaʼala niha, towa kara si lö ara tö adudu.*
4 Mamagölö ira ba wangekhugö tou niha daʼö moroi ba dadaomania salawa;*
Omasi ira falimo.
Bawara zamahowuʼö, hizaʼi tödöra bakha mangeli-ngelifi.+ (Sela)
6 Yaʼia gowe saro khögu ba fangorifigu, nahia folumöʼö khögu si lö ametaʼuö;
Lö irai mangiwa ndraʼo.+
7 Khö Lowalangi so wangorifi awö lakhömigu.
Lowalangi andrö gowe saro khögu, nahia folumöʼögu.+
8 Yaʼami ngawalö soi, böi mifamalö-malö mifaduhusi tödö ia.
Mifaehagö khönia nösi dödömi.+
Nahia folumöʼö khöda Lowalangi.+ (Sela)
9 Ono niha andrö ha hanu-hanu,
Ono niha andrö nahia folumöʼö faya.+
Na musuʼa waʼabuara ba aoha ira moroi ba hanu-hanu.+
10 Böi miwaʼö tödömi wa mofozu ami na mifakao niha
Mazui misöndra hare na mirabu niha.
Na monönö waʼakayomi ba böi abeʼe dödömi ba daʼö.*+
11 No dua kali urongo me iwaʼö Lowalangi:
Wa moroi khö Lowalangi iʼotarai faʼabölö.+