Sinunö
Khö zondröniaʼö sinunö. Sinunö Dawido. Sambua sinunö.
40 Sindruhu-ndruhu khö Yehowa manötöna ndraʼo,*
Ibeʼe mbörö dalingania khögu* ba ifondrondrongo weʼaogu ba wangandrö fanolo.+
2 Ifazawa ndraʼo moroi ba dögi nidanö sogoso-goso,
Moroi ba dambu sombuyu.
Ifezizio ndraʼo ba dete hili sokara;
Iʼabeʼeʼö mbeka-bekagu.
3 Aefa daʼö, ibeʼe zinunö si bohou ba mbawagu,+
Sinunö ba wanuno Lowalangida.
Ato zahöli-höli tödö ba wamaigi
Ba faduhu dödöra khö Yehowa.
4 Yaʼahowu niha si faduhu tödö khö Yehowa
Si lö mangodaligö niha somasi mamadaö mazui niha sanörö lala walimosa.*
5 Oya sibai nifaluamö
Yaʼugö Yehowa Lowalangigu,
Oya sibai zahöli-höli dödö nifaluamö hegöi fangera-ngeramö ba khöma.+
Lö öʼandrö zumange nitunu hegöi sumange fameta horö.+
7 Aefa daʼö umane, ”No tohare ndraʼo.
No tesura ba gölu-gölu zura sanandrösa khögu.+
9 Uturiaigö ba gotalua niha sato duria somuso dödö sanandrösa ba waʼatulömö.+
He Yehowa, lö utaha mbewegu,+
No öʼila samösa daʼö.
10 Faʼatulömö andrö ba lö ubiniʼö bakha ba dödögu.
Ufatunö waʼalöfaröimö ba fangefa si otarai ndraʼugö.
Ba gotalua niha sato, lö ubiniʼö waʼomasimö si lö faröi awö zindruhu andrö khöu.”+
11 He Yehowa, böi böhöli wohakhösi tödöu yaʼo.
Yalötebulö waʼomasimö si lö faröi hegöi faʼaduhu andrö khöu ba wolumöʼö yaʼo.+
12 Tebai niʼerai wamakao samasui yaʼo.+
Oya sibai zalagu irege lö uʼila hezo numalö ndraʼo;+
Abölö oya ia moroi ba mbu högögu,
Ba aetu wanötönagu.
13 He Yehowa, uʼandrö khöu efaʼö ndraʼo.+
He Yehowa, aliokö tolo ndraʼo.+
14 Yateʼailasi ba teʼoʼaya
Fefu niha sangalui lala ba wangetuʼö nosogu.
Yaʼawuwu ba tehöndrögö niha somuso tödö
Ba wamakao si göna khögu.
15 Yatokea zangoʼaya yaʼo
Börö waʼaila.
Yalamane niha sanötöna fangorifi moroi khöu,
”Yateʼalawaʼö Yehowa.”+
17 Hizaʼi, numana ndraʼo ba lö faʼabölögu;
Yaʼiʼameʼegö tödö ndraʼo Yehowa.