Sinunö
Khö zondröniaʼö sinunö. Sinunö Dawido.
41 Yaʼahowu niha soʼameʼegö tödö niha si numana;+
Iʼefaʼö ia Yehowa ba ginötö waʼatosasa.
2 Irorogö ia Yehowa enaʼö teʼorifi.
4 Umane, ”He Yehowa, hakhösi tödö ndraʼo.+
Fadöhö ndraʼo,+ börö me no ufalua horö tanö fönau.”+
5 Hizaʼi, ladunö-dunö zi lö sökhi sanandrösa khögu niha si faʼudu khögu,
”Hawaʼara mate ia enaʼö lö itörö saʼae tödö niha ia?”
6 Na so ba gotaluara zi möi mamaigi yaʼo, tenga soroi ba dödö wehedenia.
Iʼowuloi fefu huhuo si lö sökhi sanandrösa khögu;
Na möi ia baero, ba idunö-dunö misa.
7 Fefu zi fatiu tödö khögu oi zara fangöngö-ngöngö;
Ba laʼera-era zi lö sökhi ba wamaʼala yaʼo lamane,
9 ”Niha si fahuwu khögu manö, si no ufaduhusi tödö,+
10 He Yehowa, hakhösi tödö ndraʼo, fuli fazawado,
Enaʼö tola usulöni khöra.
11 Awena dania uʼila wa omuso dödöu khögu
Na tebai lakalaisi ndraʼo niha si faʼudu khögu.+
Yaduhu ba Yaduhu.*