Amaedola
26 Simane teu esi ba mbaŵa lökhö ba teu ba mbaŵa wamasi,
Lö moadu zumange ba niha si bodo.+
2 So mbörö wa moloi wofo, simanö göi katawaena na muhombo ia,
So göi mbörö wa alua wangelifi.*
4 Böi tema li niha si bodo moloʼö faʼabodonia,
Faböi fagölö ndraʼugö khönia.
5 Tema li niha si bodo moloʼö faʼabodonia,
Enaʼö lö iwaʼö wa atua-tua ia.+
6 Simane niha samatö ahenia ba samakao botonia samösa,*
Simane daʼö niha samaduhusi tödö abula dödönia ba niha si bodo.
7 Simane ahe sombuyu-mbuyu si no manawa-nawa,
Simane daʼö gamaedola ba mbawa niha si bodo.+
8 Simane niha samöbö kara ba ribo-ribo,
Simane daʼö niha sameʼe lakhömi ba niha si bodo.+
9 Simane sinanö sodoi ba danga zi mabu,
Simane daʼö gamaedola ba mbawa niha si bodo.
10 Simane si fafana samesokho gofu haniha manö,
Simane daʼö zamohalöwö niha si bodo mazui niha sanörö.
11 Simane asu samuli yaʼia ba gutania,
Simane daʼö niha si bodo na ifuli ifalua waʼabodonia.+
12 Hadia no irai öʼila niha sangumaʼö tödönia wa atua-tua ia?+
Abölö oya wanötöna niha si bodo moroi khönia.
13 Imane sareu, ”So zingo ba lala,
So zingo ba golayama!”+
14 Simane lagö mbawandruhö si tefuta-futa ba izinia,
Simane daʼö niha sareu ba dufonia.+
15 Niha sareu ibeʼe dangania bakha ba naha gö,
Hizaʼi afökhö sibai khönia wamolakhö bawania.+
16 Ba dödö niha sareu iwaʼö wa atua-tua sibai ia
Moroi ba niha si dafitu sameʼe fanema li si tefaudu.
17 Simane niha sanuyu talinga nono nasu,
Simane daʼö niha sanörö ba mofönu ia börö* wasosota niha böʼö.+
18 Simane sowöhö sangefasi ono wana, fana alitö, ba fana si möi famunu,*
19 Simane daʼö niha solimo* awönia ba imane, ”Ha bude-budegu daʼö!”+
20 Na lö eu saʼae ba mate galitö,
Ba na lö hadöi sangobousi awönia ba döhö wasosota.+
21 Simane akho ba mbo galitö ba eu ba galitö,
Simane daʼö niha somasi fasoso samobörö faʼudusa.+
23 Simane firö samoʼuli abotola mbowoa tanö,
Simane daʼö wehede nihaogö salua moroi ba dödö si lö sökhi.+
24 Niha si fatuwu khö nawönia ibini-biniʼö daʼö ba mbewenia,
Hizaʼi, bakha ba dödönia fahöna walimosa.
25 Hewaʼae na sökhi linia ba böi faduhusi tödö,
Börö me fitu ngawalö gamuata si raʼiö bakha ba dödönia.*
26 Hewaʼae ibalugö waʼafatiu dödönia andrö faoma falimosa,
Tefaʼeleʼö dania waʼalösökhinia andrö föna niha sato.
27 Niha sogao tögi ba aekhu dania ia bakha ba dögi andrö,
Ba niha samagaölö kara, ifuli dania ilangögö ia kara daʼö.+
28 Lela si falimo ba fatuwu ia ba niha si no iʼafökhöiʼö tödö,
Bewe sanuno-nuno manö, ba tobali famakiko.+