Yobi
38 Ba mohede Yehowa khö Yobi ba dalu nangi sabölö-bölö,+
2 ”Haniha ia andrö zombaʼagö ohitö dödögu irege lö oroma
Ba fahuhuo ia lö faʼaboto ba dödö?+
3 Faʼanö ndraʼugö simane ira matua.
Manofu ndraʼo khöu ba tema ligu.
4 Hezo so ndraʼugö me uwöwöi gulidanö?+
Na ömane atö öʼila, ba fatunö khögu.
5 Na öʼila, haniha zotatugöi suʼa-suʼania,
Mazui haniha zanuʼa yaʼia faoma sinali?
9 Me ufoʼambala ia faoma lawuo
Ba ulöwösi ia faʼogömi-gömi sabölö-bölö,
10 Me uhonogöi nolania
Ba ufasa mbaʼa-baʼa awö mbawandruhönia,+
11 Hezo so ndraʼugö me umane, ’Ha ofeta ba daʼa ndraʼugö, tebai ötaluʼi;
Ba daʼa tebato ndrulumö.’+
12 Hadia no irai öbeʼe goroisa khö zihulö wongi,
Mazui öfatunö ba luo hezo tumbu ia?+
13 Hadia yaʼugö zamatenge hagania weʼamöi ba wondrege danö
Ba öfofanö niha si lö sökhi?+
14 Tebulö gulidanö simane tambu laʼuri nifotandro,
Ba oroma fefu nösinia simane laʼa-laʼa nukha.
15 Hizaʼi larabu haga niha si lö sökhi,
Ba lafatö daʼiora si no tefazawa.
16 Hadia no irai möiʼö tou ba gumbu nasi,
Mazui öʼanöröi nasi sabakha?+
17 Hadia no irai laforomaʼö khöu mbawa göli waʼamate,+
18 Hadia öʼila hawaʼebolo gulidanö andre?+
Fatunö khögu na ahori öʼila fefu.
19 Hezo lala sofeta ba gumbu haga?+
Hezo naha zogömi-gömi,
20 Irege öfasao ia ba daʼö
Ba öʼila lala sofeta ba nomonia?
21 Hadia no tumbu ndraʼugö me luo daʼö
Ba hadia no alawa sibai ndröfimö irege aboto ba dödöu fefu?
22 Hadia no irai möi ndraʼugö ba halasa deu esi,+
Mazui no irai öʼila halasa deu kara,+
23 Niʼiröʼögu ba mbaŵa waʼatosasa,
Soguna ba wasöndrata hegöi ba wasuwöta?+
25 Haniha zamatörö lala deu
Ba sotatugöi lala ba weʼugu-ugu gari mbanua?+
26 Haniha zanorugö teu ba danö si lö sowanua,
Ba danö si mate si lö niha-niha,+
27 Ba wangahawui tanö si lö tumbu sinanö
Irege tumbu ndruʼu ba daʼö?+
29 Haniha nina esi?
Haniha zoʼadonogö teu esi moroi ba dalu mbanua+
30 Me tobali kara nidanö soya,
Me baku dete nasi sabakha?+
32 Hadia tola öʼohe baero gorudua ndröfi* ba mbaŵania,
Mazui ödöniaʼö gorudua ndröfi As* awö ndraononia?
34 Hadia tola muʼao ndraʼugö khö lawuo,
Enaʼö itorugö khöu deu sabölö-bölö?+
35 Hadia tola öfatenge gari mbanua?
Hadia mangawuli ira ba lamane, ’Yaʼe ndraʼaga!’
37 Haniha zonekhe ba wangerai lawuo,
Haniha zi tola mamataula rumbi nidanö ba dalu mbanua,+
38 Irege tobali taimba gawu-gawu,
Ba fakitö danö sabeʼe?
39 Hadia tola ögohi gahulua balazo zingo
Ba öʼabusoiʼö nono zingo,+
40 Me laköwö ira ba nahara
Mazui me latarogö* ba naha waminira?
41 Haniha zangehenaigö balazo gaga,+
Na muʼao nononia wangandrö tolo khö Lowalangi
Ba manari-nari ira misa börö me lö hadöi öra?