Halöwö Zinenge
1 He Teofilo, ba zuragu si oföna, usura fefu nifalua Yesu hegöi famahaʼönia+ 2 irege manahae ia ba zorugo+ me no aefa ibeʼe wanuturu lala si fao eheha niʼamoniʼö khö ndra sinenge si no ifili.+ 3 Me no aefa tefakao ia, oya ibeʼe khöra dandra enaʼö faduhu dödöra wa no tesusugi ia.+ Sagötö zi 40 hari, asese ifalukhaisi ira ba idunö-dunö khöra Wamatörö Lowalangi.+ 4 Me falukha ira, ibeʼe khöra wanuturu lala, ”Böi miröi Yeruzalema.+ Mibaloi zi no ifabuʼu Ama andrö,+ nirongomi khögu. 5 Ibayagö niha sato Yohane faoma idanö, hizaʼi ba zi lö ara tö tebayagö ami faoma eheha niʼamoniʼö.”+
6 Me owulo ira, lasofu khö Yesu, ”He Soʼaya, hadia öfuli öʼazökhi wamatörö ba Gizaraʼeli iadaʼa?”+ 7 Itema lira, ”Tenga sinangea miʼila daʼö, ha Ama zotatugöi ngaluo hegöi inötönia.+ 8 Hizaʼi, mitema dania waʼabölö geheha niʼamoniʼö si möi khömi,+ ba tobali ami samaduhuʼö+ khögu iʼotarai Yeruzalema,+ Yudea ba Samaria maʼasagörö,+ irugi wondrege danö.”+ 9 Me no aefa iwaʼö daʼö, manahae ia ba zorugo ba zanehe ira ba ibalugö ia lawuo irege lö oroma saʼae.+ 10 Gasa-gasa wamaigira talu mbanua me manahae ia, izumaigö tohare darua zamake nukha safusi+ mosindro ba zingara. 11 Lamane, ”He yaʼami niha Galilaia, hana wa mozizio manö ami wamaigi talu mbanua? Hewisa me manahae Yesu ba dalu mbanua, simane daʼö göi dania na mangawuli ia.”
12 Aefa daʼö, mofanö ira moroi ba Hili Zaitu mangawuli ba Yeruzalema,+ faʼaröunia sahari fofanö na luo sabato* iʼotarai Yeruzalema. 13 Me larugi daʼö, ladölö ira ba mbateʼe tanö yawa, ba nomo si toröi ira. So ba daʼö Wetero, Yohane, Yakobo, ba Andrea, Filifo ba Toma, Batolomaiʼo ba Mataiʼo, Yakobo ono Galifaiʼo, Simoni si terou tödö, ba Yuda ono Yakobo.+ 14 Si fao fahasara dödö lö laböhöli wangandrö, ba so ösa ndra alawe si fao khöra,+ Maria ina Yesu hegöi ira talifusönia matua.+
15 Samuza maʼökhö, mosindro Wetero ba gotalua ndra talifusö si no owulo, so mato 120 niha waʼatora imane, 16 ”Yaʼami ira talifusö, hadia nifaʼema geheha niʼamoniʼö khö Dawido ba ayati daʼa hasambalö itörö. Nifatunönia sanandrösa khö Yuda,+ sondröniaʼö niha ba wondraʼu Yesu.+ 17 Me mböröta, fao khöda Yuda+ ba tefili ia sangai halöwö niʼamoniʼö. 18 (No iʼöli danö moroi ba gefe nisöndrania ba waʼalösökhi.+ Me alabu ia, högö zi oföna tetaru, asika dalu ba möi baero nösi mbetuʼania.+ 19 No ahori larongo daʼa fefu niha Yeruzalema. Andrö lafotöi ba li khöra danö andrö, Akhelidama, eluahania ”Tanö Do”.) 20 No tesura ba mbuku Zinunö, ’Yatobali tanö si mate nahiania ba lö laʼiagö niha,’+ ba, ’Yamöi ba niha böʼö halöwönia ba wondröniaʼö.’+ 21 Börö daʼö, moguna laʼalui wangalinia moroi ba gotalua ndra talifusö si fao khöma sagötö ihalö halöwönia Soʼaya Yesu me fao ia khöma, 22 yaʼia daʼö iʼotarai me tebayagö Yesu idanö khö Yohane+ irugi me manahae ia ba zorugo,+ ba enaʼö niha simane yaʼaga si no mangila fanusugi Yesu.”+
23 So darua niha nitötöira, yaʼia daʼö Yosefo nifotöi Barasaba mazui Yuso, ba Matia. 24 Aefa daʼö mangandrö ira, ”He Yehowa,* ha yaʼugö zangila ösi dödö niha.+ Tuturu haniha nifilimö moroi ba gotalua zi darua andre 25 ba wanemaʼö halöwö niʼamoniʼö hegöi faʼatobali sinenge, si no iröi Yuda me itörö samösa lalania.”+ 26 Aefa daʼö, lalau fadahö-dahö sanandrösa ba niha si darua andrö,+ ba tefili Matia. Teʼerai* ia ba gotalua zinenge si 11.