Nisura Mataiʼo
26 Me no aefa ifaʼema daʼö fefu, imane Yesu khö ndra nifahaʼönia, 2 ”Miʼila wa dua hari tö lafalua Gowasa Fasa+ ba tebeʼe Nono niha andrö nihuku ba döla geu irege mate.”+
3 Gasa-gasa daʼö, owulo ndra kafalo gere hegöi ira sondröniaʼö ba soi daʼö ba golayama gere sebua sotöi Kayafa.+ 4 Mangosara ira+ wangalui lala hewisa aka ba wondraʼu Yesu hegöi ba wamunu yaʼia. 5 Lamane, ”Böi tafaudugö ba ginötö gowasa, enaʼö lö kaliru niha.”
6 Me so Yesu ba Mbetania ba nomo Zimoni si no irai göna bou auri,+ 7 so samösa ndra alawe sangondrasi Yesu, iʼohe mbuli-buli* fanikha somuhua sebua böli. Ibayoini högö Yesu faoma fanikha somuhua andrö. Ifalua daʼö me manga Yesu. 8 Me laʼila daʼö ira nifahaʼönia, lö omasi ira ba lamane, ”Hana wa laʼalimagösi daʼö? 9 Ebua mböli wanikha daʼö na mufamawa ba tola tabeʼe gefenia ba niha si numana.” 10 Börö me iʼila Yesu nifadunö-dunöra andrö imane khöra, ”Hana wa mibusi tödömi ndra alawe daʼö? Si sökhi nifaluania khögu. 11 Lö tebulö fao khömi zi numana,+ hizaʼi tenga sagötö faʼara wefaoda.+ 12 Me ibayoini mbotogu faoma fanikha somuhua andrö, sindruhunia ifalua daʼö ba wamaʼanö fogoʼo yaʼo.+ 13 Yafaduhu dödömi, gofu hezo laturiaigö duria somuso dödö ba zi sagörö ulidanö, tedunö-dunö dania nifalua ndra alawe andrö ba sauli itörö tödö.”+
14 Aefa daʼö, samösa moroi ba gotalua ndra sinengenia si 12 sotöi Yuda Kariota+ ifalukhaisi ndra kafalo gere.+ 15 Imane, ”Hauga mibeʼe khögu na ubeʼe ia ba dangami?”+ Lazazi khönia 30 loga firö.+ 16 Iʼotarai daʼö, iʼalui lala ba wameʼe Yesu ba dangara.
17 Ba ngaluo si oföna me lafalua Gowasa Roti si Lö Mufaruka Ragi,+ manofu ndra nifahaʼö khö Yesu, ”Hezo so zomasiʼö mafaʼanö wemanga Wasa?”+ 18 Itema lira, ”Mifalukhaisi samösa niha ba mbanua ba mimane khönia, ’No iʼoroisi Samahaʼö, ”No ahatö ginötö waʼamategu. Omasido ufalua Gowasa Fasa ba nomou fao ndra nifahaʼögu.”’” 19 Laʼoʼö niwaʼö Yesu andrö ira nifahaʼö ba lafaʼanö Wasa.
20 Ba zi bongi daʼö,+ modadao ia wemanga fao ndra nifahaʼönia si 12.+ 21 Me manga ira, imane Yesu, ”Sindruhu niwaʼögu, so dania samösa ba gotaluami zi manga mböligu.”+ 22 Abu sibai dödöra me larongo daʼö ba faoma lamane, ”He Soʼaya, tenga yaʼodo lö?” 23 Itema lira, ”Si fao khögu woʼungugö roti ba mako, daʼö zi manga mböligu.+ 24 Simane si no tesura, iröi ami Ono niha andrö, hizaʼi alai+ zi manga mböli Nono niha andrö!+ Sindruhunia, abölö sökhi lö tumbu niha daʼö mege.”+ 25 Imane Yuda si manga mbölinia dania, ”He Samahaʼö, tenga yaʼodo lö?” Itema linia Yesu, ”Yaʼugö samösa zangumaʼö.”
26 Gasa-gasa wemangara, ihalö roti andrö Yesu, iboboto+ me no awai mangandrö ia. Aefa daʼö, ibeʼe khö ndra nifahaʼönia imane, ”Mihalö ba miʼa. Amaedola mbotogu daʼa.”+ 27 Aefa daʼö, ihalö mako, iʼandrö saohagölö khö Lowalangi ba ibeʼe khöra imane, ”Yaʼami fefu, mibadu daʼa.+ 28 Amaedola ndrogu daʼa, ’do+ wawuʼusa liʼ+ niduwagö ba wangöhöli horö+ niha sato.+ 29 Uʼombakhaʼö khömi: Lö saʼae ubadu nagu daʼa irege fao ndraʼo khömi dania ba wamadu nagu si bohou ba Wamatörö Namagu.”+ 30 Ba gafuriata me no awai laʼanunöisi zinunö famosumange Lowalangi, mofanö ira ba Hili Zaitu.+
31 Imane khöra Yesu, ”Yaʼami fefu miröi ndraʼo bongi daʼa* börö me so ba zura, ’Usuwö dania gubalo daʼö, ba muzawili ngawawa mbiri-birinia.’+ 32 Hizaʼi, na no tesusugi ndraʼo, oföna urugi Galilaia moroi khömi.”+ 33 Imane Fetero, ”Hewaʼae laröi ndraʼugö fefu niha, hizaʼi lö uröiʼö!”+ 34 Imane khönia Yesu, ”Sindruhu niwaʼögu khöu, bongi daʼa fatua lö miwo zilatao, no tölu kali öʼosilöʼögö ndraʼo.”+ 35 Imane Fetero, ”He mate ndraʼo awöu, ba lö uʼosilöʼögö ndraʼugö.”+ Lawaʼö göi zimane daʼö ira nifahaʼö tanö böʼö.
36 Aefa daʼö, möi Yesu hegöi ira nifahaʼö ba Gezemane.+ Imane khöra, ”Midadao ba daʼa, möido mangandrö ba daʼö sisa.”+ 37 Iʼohe Wetero awönia ba darua nono Zebedaiʼo, ibörötaigö abu dödönia ba lö sökhi-sökhi dödönia.+ 38 Aefa daʼö imane, ”Abu sibai dödögu, mane mate ndraʼo. Mibaloi ba daʼa, böi miförö.”+ 39 Ifandröndröu ia föna maʼifu, ituhi danö ba mangandrö ia,+ ”He Ama, na tola, akha italuʼi ndraʼo mako andre.+ Hizaʼi, tenga ba zomasi ndraʼo, yaʼitörö zomasi ndraʼugö.”+
40 Me ifuli ia khö ndra nifahaʼönia, no mörö ira. Imane khö Wetero, ”Hadia tebai mizago ndraʼo sambua za manö?+ 41 Böi miförö+ ba böi miböhöli wangandrö,+ enaʼö böi aekhu ami ba wamalua horö.+ Aoha sa gölö dödö, ba no ambö faʼabölö nösi.”+ 42 Aefa daʼö, ifuli zui mangandrö ia ba zi mendrua kali, ”He Ama, na tebai italuʼi ndraʼo mako andre ba hasambalö ubadu nösinia, yaʼitörö zomasi ndraʼugö.”+ 43 Me mangawuli ia, no ifuli zui mörö ira. Abua sibai guli höröra. 44 Möi ia mangandrö zui si medölu kali simane fangandrönia mege. 45 Ifuli ia khö ndra nifahaʼönia imane, ”Ba zimane daʼa, hana wa molombase ami ba mörö? No irugi inötö tebeʼe Nono niha andrö ba danga zebua horö. 46 Mifaoso, mofanö ita. Lö ara tö tohare zi manga mböligu.” 47 Gasa-gasa wahuhuosania, tohare Yuda, samösa moroi ba gotalua zinengenia si 12, fao ia ba niha sato solohe föda ba fagado. Yaʼira andrö nifatenge ndra kafalo gere ba sondröniaʼö soi daʼö.+
48 No ifatunö khöra dandra si manga mböli andrö, ”Niha niʼumagu dania, daʼö ia. Miraʼu ia.” 49 Iʼanemaiʼö iʼondrasi Yesu imane, ”Yaʼahowu Samahaʼö!” Ihaogö woʼuma Yesu. 50 Hizaʼi, imane khönia Yesu, ”Hana wa möiʼö ba daʼa?”+ Aefa daʼö, laraʼu Yesu ira niha sato. 51 Ba zi lö mudöna-döna so samösa ba gotalua nifahaʼö Yesu zanöbi föda, itaba dalinga zawuyu gere sebua irege aetu.+ 52 Imane khönia Yesu, ”Saembugö wödamö.+ Fefu zamake föda ba mate ia dania ba wöda.+ 53 Hadia miwalinga tebai uʼandrö khö Namagu enaʼö ifatenge hauga ribu* ndra malaʼika tobali awögu iadaʼa sibai?+ 54 Na simane daʼö, hewisa wa itörö niwaʼö Mbuku Niʼamoniʼö enaʼö simane daʼa waʼaluania fefu?” 55 Aefa daʼö imane Yesu ba niha sato, ”Hadia sorabu ndraʼodo andre wa miʼohe wöda awö wagado ba wondraʼu yaʼo? Ero maʼökhö mamahaʼö ndraʼo ba gosali,+ ba lö niraʼumi yaʼo.+ 56 Andrö wa alua daʼa fefu enaʼö itörö nisura ndra samaʼeleʼö.”+ Aefa daʼö moloi fefu ndra nifahaʼö laröi ia.+
57 Me no laraʼu Yesu, laʼohe ia ba nomo gere sebua sotöi Kayafa.+ No owulo ba daʼö zangila amakhoita hegöi ira sondröniaʼö.+ 58 Igoʼö-goʼö moroi furi ba zaröu Fetero me laʼohe Yesu. Me no larugi golayama nomo gere sebua, möi ia bakha, modadao ia ba zinga zohalöwö wamaigi-maigi hadia zalua.+
59 Gasa-gasa daʼö, laʼalui niha samöbögö si lö duhu ira kafalo gere hegöi Sangetuʼö Huku ba wolawa Yesu, enaʼö labunu ia.+ 60 Hizaʼi, lö lasöndra zala nifaluania hewaʼae ato niha samöbögö si lö duhu.+ Aefa daʼö, möi föna darua zamaduhuʼö 61 ba lamane, ”No iwaʼö niha daʼa, ’Tola ududugö gosali Lowalangi ba ufuli ufazökhi ha ba zi tölu hari.’”+ 62 Mosindro gere sebua ba imane, ”Hana wa lö ödema-dema? Hadia lö örongo-rongo niböbögöra khöu?”+ 63 Hizaʼi, lö manö hede-hede Yesu.+ Imane khönia ere sebua, ”Ubeʼe ndraʼugö ba hölu ba döi Lowalangi sauri. Fatunö khöma hadia Keriso ndraʼugö, Ono Lowalangi?”+ 64 Itema linia Yesu, ”Atulö, simane niwaʼömö. Hizaʼi ufatunö khömi: Iʼotarai iadaʼa, miʼila dania Nono niha,+ no modadao ia ba gambölö Lowalangi Fondrege Zabölö+ ba tohare ia ba dete lawuo.”+ 65 Aefa daʼö isika mbarunia tanö baero ere sebua imane, ”No iʼoʼaya Lowalangi! Lö moguna khöda zamaduhuʼö saʼae. No mirongo samösa hewisa wangoʼayania Lowalangi. 66 Hewisa moloʼö yaʼami?” Lamane niha sato, ”Sinangea na mate ia.”+ 67 Aefa daʼö ladiloi+ ba latezu mbawania.+ So göi zanafari yaʼia+ 68 ba lamane, ”He Keriso, faʼeleʼö khöma haniha zamözi yaʼugö?”
69 Me modadao Wetero baero ba golayama, samösa zawuyu ira alawe sangondrasi yaʼia imane, ”Samösa göi ndraʼugö nawö Yesu niha Galilaia andrö!”+ 70 Iʼosilöʼögö wehede daʼö Fetero föna niha sato imane, ”Lö aboto ba dödögu hadia niwaʼömö.” 71 Me ifahatö ia ba mbawa göli, samösa nono alawe sangila yaʼia imane ba niha sato, ”Yaʼia andre awö Yesu, niha Nazareta daʼö.”+ 72 Ifuli iʼosilöʼögö ba fahölu ia, ”Lö uʼila haniha niha daʼö!” 73 Lö ara zui, laʼondrasi Wetero niha sozizio ba daʼö, lamane, ”Yaʼugö samösa ba gotaluara. Oroma sibai ba lagu wehedemö.” 74 Aefa daʼö möi ia ba hölu, ”Lö uʼila haniha niha daʼö! Yagöna ndraʼo fangelifi na fayagu.” Iʼanemaiʼö miwo zilatao. 75 Itörö tödö Wetero wehede Yesu, ”Fatua lö miwo zilatao, no tölu kali öʼosilöʼögö ndraʼo.”+ Mofanö ia baero aefa daʼö iduhugö wege-ege.