Ba Niha Heberaiʼo

11 Famati andrö ba no faʼaro dödö ba nidöna-döna,+ faʼafaduhu dödö ba ngawalö hadia ia zi lö oroma. 2 Börö wamati, andrö latema wamaduhuʼö ira tuada me föna wa no laʼomusoiʼö dödö Lowalangi.

3 Börö wamati, andrö aboto ba dödöda wa tefazökhi mbanua si yawa awö danö börö daromali Lowalangi, irege so niʼila hörö andrö moroi ba ngawalö zi lö oroma.

4 Börö wamati wa ibeʼe khö Lowalangi zumange sabölö sökhi Habeli moroi khö Gaʼino.+ Ba moroi ba wamatinia andrö göi tefaduhuʼö wa satulö ia, börö me itema Lowalangi zumange nibeʼenia.+ Hewaʼae no mate ia, fahuhuo ia nasa+ börö wamatinia andrö.

5 Börö wamati wa tefawuʼa Henokhi+ irege lö iʼila waʼamate, ba lö lasöndra ia börö me no ifawuʼa ia Lowalangi.+ Fatua lö mufawuʼa ia, itema wamaduhuʼö wa no iʼomusoiʼö dödö Lowalangi. 6 Na lö famati, tebai iʼomasiʼö Lowalangi niha. Dozi sangondrasi Lowalangi lö tola löʼö faduhu dödöra wa so Lowalangi, ba ibeʼe luo ba niha sangalui yaʼia soroi ba dödö.+

7 Börö wamati wa iʼoʼö li Lowalangi Noakhi+ ba ifazökhi nowo+ enaʼö teʼorifi nösi nomonia, me no aefa iʼombakhaʼö khönia Lowalangi fefu zi lö oroma andrö.+ Ba wamatinia iʼoromaʼö wa sinangea tehuku gulidanö andre+ ba tefaduhuʼö göi wa niha satulö tödö ia.

8 Börö wamati wa moloʼö Gaberahamo+ me ikaoni ia Lowalangi, möi ia ba danö nitehe khönia si tobali ondröita. Mofanö ia hewaʼae lö aboto ba dödönia hezo isawa.+ 9 Börö wamati wa fatewu ia ba danö nifabuʼu khönia andrö,+ toröi ia ba nose-ose+ fao khönia Gizaʼaki hegöi Yakobo, awönia ba wanema ondröita nifabuʼu andrö.+ 10 Idöna-döna mbanua andrö, saro dane-dane, nifaʼanö ba nifazökhi Lowalangi.+

11 Börö wamati wa itema waʼabölö andrö Sara enaʼö manabina ia hewaʼae no atua,+ börö me faduhu dödönia wa lö faröi Lowalangi, sameʼe amabuʼula andrö. 12 Börö daʼö, momaʼuwu+ ndra matua si ha samösa andrö si no atua,+ simane faʼoya ndröfi ba dalu mbanua ba simane gawu ba nasi si tebai muʼerai.+

13 Mamati ira ofeta mate, hewaʼae lö nitemara si no mufabuʼu andrö.+ Hulö na no laʼila moroi ba zaröu,+ latemaʼö, ba laʼombakhaʼö ba niha böʼö wa yaʼira andrö niha si fatewu ba sikoli ba mbanua daʼö. 14 Niha sangumaʼö simane daʼö no laforomaʼö wa sindruhu-ndruhu laʼalui nahia andrö si tobali tana khöra. 15 Na itörö-törö manö tödöra nahia si no laröi,+ tola manö mangawuli ira. 16 Hizaʼi, laforege wanöndra nahia sabölö sökhi yaʼia daʼö soʼamakhaita ba zorugo. Andrö wa lö aila Lowalangi khöra,+ ba no ihenaigö sambua mbanua sebua khöra.+

17 Börö wamati wa hulö zi no ibeʼe sumange Gizaʼaki andrö Aberahamo me tetandraigö ia.+ Omuso dödö Gaberahamo wanema buʼusa li daʼö, ba lö aombö dödönia wameʼe ononia si ha sambua andrö tobali sumange.+ 18 Sindruhunia no muʼombakhaʼö khönia, ”Moroi khö Gizaʼaki dania iʼotarai maʼuwu nifabuʼu andrö khöu.”+ 19 Faduhu dödö Gaberahamo wa tola isusugi Lowalangi nononia andrö moroi ba gotalua zi mate. Sindruhu sa, moroi ba daʼö no itema mangawuli nononia andrö, si tobali famaedo salua dania aefa daʼö.+

20 Börö wamati göi wa ifahowuʼö Yakobo+ awö Gezau+ andrö Izaʼaki, iʼombakhaʼö khöra hadia zalua dania ba zi so föna.

21 Börö wamati wa ifahowuʼö nono Yosefo+ si darua andrö Yakobo me arakhagö mate ia,+ ba mangalulu ia föna Lowalangi, itendroʼö ia ba högö ziʼonia.+

22 Börö wamati wa itutunö Yosefo me arakhagö mate ia, hewisa dania waʼaheta ndraono Gizaraʼeli moroi ba danö Miserai ba iʼoroiʼö hewisa wogoʼo yaʼia dania.+

23 Börö wamati wa labiniʼö Moze ira satuania tölu waŵa waʼara iʼotarai me tumbu ia,+ börö me laʼila wa sökhi zikhala nono andrö+ ba lö ataʼu ira goroisa razo.+ 24 Börö wamati wa lö omasi Moze lafotöi ia ono nono Waraʼo ono alawe,+ me no ebua ia.+ 25 Abölö omasi ia wanaögö famakao awö nono mbanua Lowalangi moroi na iʼomusoiʼö dödönia ba horö si lö arara. 26 Ba dödönia, no hare sebua wangoʼaya andrö nitaögönia börö Keriso moroi ba harato Miserai, börö me iʼosambuaʼö dödönia ba luo nitemania dania. 27 Börö wamati wa iröi danö Miserai,+ tenga börö waʼataʼunia ba wönu razo.+ Lö awuwu ia hulö na no iʼila Lowalangi si lö oroma andrö.+ 28 Börö wamati wa ifalua Gowasa Fasa ba itefeʼö ndro enaʼö lö ibunu* nonora siaʼa malaʼika Lowalangi.+

29 Börö wamati wa laʼötö Nasi Soyo simane tanö sabeʼe,+ ba me latandraigö wanörö daʼö ira niha Miserai, ahöndrö ira.+

30 Börö wamati wa adudu göli Yerikho me no fitu ngaluo lafasui iraono Gizaraʼeli.+ 31 Börö wamati wa lö mate Rakhaba sohorö-horö andrö si fao ba niha si lö moloʼö, me no sökhi wanemaʼönia samauze andrö.+

32 Haniha nasa nidunö-dunögu? Ambö ginötö na ufatunö sanandrösa khö Gideono,+ Baraki,+ Simesono,+ Yefita,+ Dawido,+ Samueli+ hegöi samaʼeleʼö tanö böʼö. 33 Börö wamati wa tola lakalaisi razo-razo,+ lafalua zindruhu, latema mbuʼusa li,+ laduhö mbawa zingo,+ 34 labunu waʼabölö galitö,+ aefa moroi ba mbawa wöda,+ abölö hewaʼae tebai mege,+ möna ira ba wanuwö,+ ba lafofanö zaradadu si möi manuwö.+ 35 Latema ira alawe nösi nomora nisusugi moroi ba gotalua zi mate,+ hizaʼi tefakao niha böʼö börö me lö laröi wamatira enaʼö teʼefaʼö ira, börö me ladöna-döna wanusugi sabölö sökhi. 36 Tetandraigö göi danö böʼö me laʼoʼaya ira, laleasi, larate+ ba labeʼe ba gurunga.+ 37 Latebu ira kara irege mate,+ latandraigö, lagaragazini, laʼewa faoma föda,+ laʼonukha guli mbiri-biri faoma uli nambi,+ moʼamböta, tosasa,+ ba lafalua khöra zi lö sökhi.+ 38 Tenga sinangea ira ba gulidanö andre. Ba danö si mate auri ira, ba hili, ba dögi narö hili,+ ba narö danö.

39 Sindruhunia, hewaʼae no latema wamaduhuʼö si sökhi börö wamatira, lö nitemara si no tefabuʼu andrö, 40 börö me iʼotarai mböröta, edöna Lowalangi wameʼe khöda sabölö sökhi+ irege lö moʼahonoa ira na lö yaʼita.