Sinunö

143 He Yehowa, fondrondrongo wangandrögu;+

Fondrondrongo weʼaogu ba wangandrö fanolo.

 2 Böi huku genonimö,

Ba gotalua niha sauri, samösa lö hadöi satulö tanö fönau.+

 3 Igohi ndraʼo si faʼudu khögu;

Ifakiko ndraʼo* irege aloʼo tou ba danö.

 4 Ahori waʼabölögu;+

Ba oköli dödögu lö raso.+

 5 Itörö tödögu zi no numalö;

Uʼangerönusi fefu nifaluamö;+

Uʼangeragö* halöwö dangamö.

 6 Mangandrö ndraʼo* khöu;

Hulö dambu soköli ndraʼo sowökhi tödö ba khöu.+ (Sela)

 7 He Yehowa, aliokö wanema ligu;+

No ahori waʼabölögu.+

Böi biniʼö khögu mbawamö,+

Enaʼö tenga simane niha si möi tou ba lewatö ndraʼo.+

 8 Tehegö khögu wamondrongo faʼomasimö si lö faröi ero sihulö wongi,

Börö me faduhu dödögu khöu.

Fatunö khögu lala sinangea utörö,+

Börö me khöu manötönado.

10 Fahaʼö ndraʼo ba wamalua ohitö dödöu,+

Börö me Lowalangigu ndraʼugö.

Sökhi gehehamö andrö;

Yaʼituturu lalagu ba danö saloʼo.*

12 Börö waʼomasimö si lö faröi, hori* zi faʼudu khögu;+

Fakiko fefu zamakao yaʼo,+

Börö me enoniu ndraʼo.+