Sura Yakobo
3 Yaʼami ira talifusögu, lö fefu ami tobali samahaʼö, börö me miʼila wa niha si tobali samahaʼö, abölö ebua wanguhuku nitemara.+ 2 Asese fasala ita fefu.+ Na so niha si lö irai fasala ba wehede, no niha soʼahonoa ia, ba iʼila ifatörö mbotonia maʼasambua. 3 Na tabeʼe wesu ba mbawa kudo enaʼö moloʼö ia, awena tola tafatörö mbotonia maʼasageu. 4 Mifaigi göi göfa nasi: Hewaʼae ebua ba ilulugö ia angi sabölö-bölö, ha amuri side-ide sa zamatörö yaʼia gofu hezo zomasi zamofanö köfa.
5 Simanö göi lela andrö, ndroto-ndroto mboto fondrege zide-ide, hizaʼi ebua sibai gambaoho. Tola akhozi gatua sebolo hewaʼae no ide-ide galitö! 6 No amaedola galitö lela andrö+ si no fahöna faʼalösökhi ba gotalua ndroto-ndroto böʼö ba mbotoda. Itaʼunöisi fefu mboto,+ ikhozi lala waʼauri zi samösa niha simane Gehena.* 7 Fefu ngawalö gutu ndruʼu, fofo, urifö sanana-nana, awö zi so ba nasi, tola lafauwu. 8 Hizaʼi, samösa lö si tola mamauwu lela. Abua wamatörö lela, ifosikho niha ba afönu langu famunu.+ 9 Taʼogunaʼö lelada ba wanuno Yehowa,* Amada, hizaʼi börö lelada göi wa taʼelifi niha böʼö ”si fakhili-khili khö Lowalangi”.+ 10 Moroi ba mbawa iʼotarai famahowuʼö hegöi fangelifi.
Yaʼami ira talifusögu, böi alua zimane daʼö.+ 11 Hadia mangumbu nidanö sami ba safeto moroi ba gumbu nidanö si fagölö? 12 Yaʼami ira talifusögu, lö iʼowua mbua zaitu töla ara ba lö iʼowua mbua ara töla nagu lö?+ Umbu nidanö sazi-azi lö ifangumbu nidanö sami.
13 Hadia so ba gotaluami zatua-tua ba safönu faʼaboto ba dödö? Yaʼiforomaʼö ba mbua-buania gamuata si sökhi si lö alio mofönu si otarai ba waʼatua-tua andrö. 14 Hizaʼi, na so khömi waʼafökhö dödö+ ba lö khömi fanaha tödö ba waʼudusa,*+ böi fayawa ami+ ba böi milimo zindruhu. 15 Tenga faʼatua-tua si otarai moroi yawa daʼö, hizaʼi moroi ba gulidanö,+ moroi ba gurifö, ba si otarai malaʼika si lö sökhi. 16 Na so waʼafökhö dödö ba lö fanaha tödö ba waʼudusa,* ba daʼö so waʼafawuka hegöi ngawalö waʼalösökhi.+
17 Faʼatua-tua si otarai moroi yawa, si oföna no ohau-hau,+ omasi atulö,+ lö fatandro,+ moloʼö-loʼö, afönu faʼahakhö dödö hegöi amuata si sökhi,+ lö ebua zambuana dödönia+ ba lö mamini tödö.+ 18 Baero daʼö, tanömö gamuata si sökhi lafazaewe ba waʼatulö+ ba niha sangaʼasogö faʼatulö.+