Dua Ngaʼötö
22 Aefa daʼö, lafataro nononia siakhi sotöi Ahaseya tobali razo fangalinia ba Yeruzalema, börö me no mate fefu nononia matua siaʼa ba danga zorabu,+ si möi ba nose me fao ira niha Garabi. Börö daʼö, ibörögö mamatörö Gahaseya ono Yoramo tobali razo Yehuda.+ 2 Faʼalawa ndröfi Gahaseya me tobali ia razo yaʼia daʼö 22 fakhe, ba döfi mamatörö ia ba Yeruzalema. Töi ninania yaʼia daʼö Atalia+ maʼuwu* Gomeri.+
3 Iʼoʼö lala nösi nomo Gahabi andrö Ahaseya,+ börö me inania zanuturu lalania ba zi lö sökhi. 4 Lö iböhöli wamalua si lö sökhi föna Yehowa simane ösi nomo Gahabi, börö me yaʼira zanuturu lala khönia me no mate namania. Daʼö mbörö wa tefakiko ia. 5 Iʼoʼö mene-mene nibeʼera ba fao ia khö Yoramo ono Gahabi razo ndraono Gizaraʼeli ba wanuwö Hazaeli+ razo Siria ba Ramoti-gileadi.+ Ba daʼö lafesokho Yoramo ira niha si fafana. 6 Börö daʼö, mangawuli Yoramo ba Yezereʼeli+ ba wamadöhö sokho nilau niha Ziria ba Rama me ilawa Hazaeli razo Siria.+
Börö me no mesokho* Yoramo+ ono Gahabi, möi Gahaseya* ono Yoramo+ razo Yehuda ba wamaigi yaʼia ba Yezereʼeli.+ 7 Me möi Gahaseya wamaigi Yoramo, iʼogunaʼö ginötö daʼö Lowalangi ba wamaʼala Ahaseya. Aefa daʼö, möi ia ifalukhaisi Yehu,+ maʼuwu* Nimisi si no ifataro* Yehowa ba wangohori ösi nomo Gahabi,+ iʼohe awönia Yoramo. 8 Me ibörögö Yehu wamalua fanguhuku ba nösi nomo Gahabi, falukha ia khö ndra sondröniaʼö Yehuda hegöi ono dalifusö Gahaseya sangai halöwö khö Gahaseya, aefa daʼö ibunu ira.+ 9 Iʼalui Gahaseya. Iraʼu Gahaseya me ibiniʼö ia ba Zamaria, ba laʼohe ia khö Yehu, aefa daʼö labunu. Lakoʼo ia+ börö me lamane, ”Yaʼia andre maʼuwu Yozafati, sangalui Yehowa soroi ba dödö.”+ Lö hadöi saʼae niha ba nösi nomo Gahaseya si tola mamatörö tobali razo.
10 Ba me iʼila Atalia+ ina Gahaseya wa no mate nononia, ibunu fefu ngaʼötö razo niha Yehuda.+ 11 Ba maoso Yozabata ono Razo Yoramo ono alawe,+ foʼomo Gere Yehoyada+ ba talifusö Gahaseya, ibiniʼö wangai Yehoasi+ ono Gahaseya moroi ba ngaʼötö Razo sedöna mubunu. Iʼohe ba mbateʼe tanö bakha awö zondrorogö yaʼia. Mofozu Yozabata ba waminiʼö Yehoasi irege lö ibunu ia Atalia. + 12 Lö tebulö fao khöra Yehoasi ba no önö fakhe labiniʼö ia ba nomo Lowalangi sindruhu, sagötö mamatörö Gatalia ba soi daʼö.