Yobi
28 ”So danö naha wogao firö
Hegöi naha wogao anaʼa si sökhi.+
2 Moroi ba danö tehalö ziʼöli
Ba moroi ba gara mufazökhi tembaga.+
3 Lakalaisi waʼogömi-gömi andrö niha.
Ba wondrege zogömi-gömi, iʼalui ofeta ba nahia sabölö abakha
Enaʼö isöndra loga sebua böli.
4 Ikhao dögi, fandröndröu moroi ba nahia si toröi niha,
Ba nahia si lö itörö tödö, fandröndröu moroi ba nitörö niha.
So ösa niha si möi mitou ba oi zara managaule ira ba zinali.
5 So gö niʼasogö ba dete danö,
Hizaʼi ba narönia, no lafahufa danö hulö nitörö galitö.*
6 So ba daʼö gara safiro,
Ba faruka ganaʼa ba gawu-gawunia.
7 Fofo si manga nagole lö laʼila lala numalö ba daʼö.
Lö irai iʼila daʼö moyo saitö.
8 Lö irai möi gutu ndruʼu ba daʼö.
Lö irai itöröi daʼö singo sawuyu-wuyu.
9 Laboto gara sabeʼe* niha faoma tangara.
Ifalaula hili moroi ba nahania.
10 Ifazökhi lala nidanö+ ba hili sokara;
Oya iʼila hörönia gara sebua böli.
11 Ibaʼa lulu nungo nidanö,
Iʼohe baero zi no tobini, iforomaʼö ba haga.
13 Lö laʼila niha hawaʼebua mbölinia,+
Ba lö tesöndra gofu hezo toröi niha.
14 Imane idanö sabakha, ’Lö hadöi ba daʼa!’
Ba imane asi, ’Lö hadöi ba daʼa!’+
15 Tebai muʼöli daʼö faoma anaʼa si sökhi,
Ba tebai mufalalini faoma firö gofu hawaʼabua.+
16 Tebai muʼöli daʼö faoma anaʼa Gofiri,+
Mazui kara una ba safiro si lö oya tö.
17 Lö fagölö khönia ganaʼa ba sörömi.
Tebai mufagatini daʼö faoma mako anaʼa si sökhi.+
18 Kara sebua böli* moroi ba nasi hegöi baluri ba lö fagölö khönia,+
Ebua mböli zi sambua bola-bola faʼatua-tua moroi ba zi sambua bola-bola mutiara.
19 Lö fagölö mbölira gara tofa+ moroi ba Gusi.
Tebai muʼöli daʼö faoma anaʼa si sökhi.
20 Na simanö, hezo iʼotarai faʼatua-tua,
Ba hezo moroi gumbu waʼaboto ba dödö?+
21 Tobini daʼö ba hörö zonoso,+
Ba lö iʼila fofo ba dalu mbanua.
22 Imane faʼatekiko ba faʼamate,
’Ha turia nirongoma.’
23 Iʼila Lowalangi hewisa lala wanöndra yaʼia;
Ha yaʼia zangila hezo so daʼö.+
24 Ifaigi ofeta ba wondrege danö
Ba ifaigi fefu zi so ba narö mbanua.+
25 Me ibeʼe waʼabölö ba nangi+
Ba no ihonogöi waʼoya nidanö,+
26 Me ibeʼe gamakhoita ba deu+
Ba ihonogöi lala lawuo awö gari mbanua,+
27 Ba ginötö daʼö oroma khönia waʼatua-tua ba ifatunö.
Yaʼia zangaʼasogö faʼatua-tua ba itandraigö.
28 Ba imane ba niha,