Sura ba Mbanua Niha Keriso ba Golose
2 Omasido na miʼila hewisa waʼamarasegu ba khömi, ba niha Laodikia,+ hegöi ba niha si lö irai falukha khögu. 2 Omasido na terara dödöra+ ba teʼosambuaʼö ira ba waʼomasi,+ irege fahöna harato wamati khöra börö me laʼila latimba tödöra gofu hadia ia, ba faʼaboto ba dödö si tefaudu sanandrösa ba zi tobini niʼamoniʼö andrö khö Lowalangi, yaʼia daʼö Keriso.+ 3 No fahöna khönia fefu harato yaʼia daʼö faʼatua-tua ba faʼaboto ba dödö.+ 4 Wa uwaʼö daʼa enaʼö böi so zamaelungu yaʼami ba wehede salösö. 5 Hewaʼae na lö fao ndraʼo khömi, hizaʼi fao khömi wangera-ngeragu. Omuso dödögu me uʼila waʼatoföfömi+ ba faʼaromi ba wamati khö Keriso.+
6 Börö me no mitema Keriso Yesu, Soʼaya yaʼita, enaʼö hasara dödömi khönia. 7 Enaʼö mowaʼa wamatimi, tefasindro ba detenia,+ ba tehonogöigö,+ simane si no mifahaʼö yaʼami, ba yafahöna wangandrömi saohagölö.+
8 Miʼangelama enaʼö böi so zangosawuyu yaʼami ba wamahaʼö niha gulidanö, hegöi ba waya-faya si lö boto+ simane si toʼölö lafalua niha, si otarai ba wangera-ngera niha gulidanö, tenga moroi khö Keriso, 9 börö me moʼahonoa gamuata Lowalangi khö Keriso.+ 10 Tobali, no moʼahonoa ami khönia börö me yaʼia gafalo ndra samatörö ba sondröniaʼö.+ 11 Yaʼami soloʼö khönia, no lasuna ami, tenga faoma tanga, hizaʼi faniboʼö fangisö nösi sanao horö,+ börö me simane daʼö na lasuna genoni Keriso.+ 12 No faoma lakoʼo ami khönia ba wamayagö idanö,+ börö me miʼoʼö ia, tesusugi ami+ awönia börö me mamati ami ba nifaluania ba waʼabölö Lowalangi sanusugi yaʼia moroi ba gotalua zi mate.+
13 Baero daʼö, hewaʼae no mate ami börö golalöwami andrö ba börö me lö nisuna ami, iʼorifi ami Lowalangi enaʼö fao ami khö Keriso.+ Börö waʼasökhi dödö Lowalangi, iʼefaʼö fefu zalada,+ 14 iheta ba zura goroisa+ golalöwada.+ Iheta daʼö yaʼia me teʼosö Nononia ba döla geu famakao.*+ 15 Börö döla geu famakao andrö, iʼailasi zamatörö awö zi so kuaso, iforomaʼö föna niha sato wa no kala ira,+ iʼohe ira ba höngö-höngö waʼamönania.
16 Böi mitehegö lahuku ami niha sanandrösa ba niʼa hegöi ba nibadu,+ gofu hadia gowasa, owasa mbaŵa si bohou,+ mazui sabato.+ 17 Fefu daʼö ha lumö-lumö zi tohare dania,+ Keriso sa zindruhunia.+ 18 Miʼangelama ba niha sanaha yaʼami ba wanema buala,+ yaʼia daʼö sangoromaʼö fangide-ngideʼö faya-faya ba somasi manömba malaʼika, ”si fatandro”* ba niʼilania. Isuno-suno zi lö eluaha, börö me fangera-ngerania hulö wangera-ngera niha sebua horö, 19 ba lö aro dödönia khö zondröniaʼö,+ sangaʼasogö balazo mboto, ihaogö wangosambuaʼö fefu ndroto-ndroto awö mbuʼu, ba samanöi ba waʼatedou andrö nibeʼe Lowalangi.+
20 Na no mitimbagö wangera-ngera niha gulidanö ba mate ami si fao khö Keriso,+ hana nasa wa hulö tana khö niha gulidanö gamuatami? Hana wa miʼoʼö gamakhoita simane:+ 21 ”Böi mihalö, böi miʼa, böi mibabaya”? 22 Daʼö fefu amakhoita si tola ahori muʼa ba mubadu, ha famahaʼö ba amakhoita niha daʼö.+ 23 Goi-goi daʼö hulö ifofaʼatua-tua niha, hizaʼi lö möi fanolo ba wolawa faʼomasi nösi si fasala börö me yaʼira samösa zangetuʼö hewisa lala wamosumange Lowalangi ba zomasi ira, laforomaʼö wangide-ngideʼö faya-faya, ba lafakao mbotora.+