Sinunö
Khö zondröniaʼö sinunö. Sambua sinunö.
66 Fefu gulidanö, miʼomusoiʼö dödömi ba wanuno Lowalangi.+
2 Miʼanunöisi zinunö fanuno* ba döinia solakhömi.
Mifolakhömi ba misuno ia.+
3 Ömane khö Lowalangi, ”Sahöli-höli dödö fefu nifaluamö!+
Börö waʼabölömö,
Agataʼu fönau dozi si faʼudu khöu.+
4 Fefu niha ba gulidanö mangalulu ira khöu;+
Laʼanunöisi khöu zinunö fanuno;
Laʼanunöisi zinunö fanuno döimö.”+ (Sela)
5 Miʼaine ba wamaigi halöwö Lowalangi.
Sahöli-höli dödö fefu nifaluania ba niha gulidanö.+
Somuso tödö ita ba daʼö börö ia.+
7 Börö waʼabölönia wa mamatörö ia sagötö faʼara.+
Lö tebulö ihörö-hörögö fefu soi.+
Niha sagabeʼe högö ba tebai fayawa ira.+ (Sela)
8 He yaʼami ngawalö soi, misuno Lowalangima,+
Miʼebuaʼö limi ba wanuno yaʼia.
10 He Lowalangi, no öfareso ndraʼaga;+
No öhaogö ösasai ndraʼaga simane firö nitunu.
11 Teʼuʼu ndraʼaga ba guʼö öbeʼe;
Öbeʼe khöma* noro sabua.
12 Ötehegö ba niha wohundra-hundra yaʼaga;*
No matörö galitö hegöi idanö;
Ba öfasao ndraʼaga ba nahia sahono dödö.
13 Möido ba nomomö ba wolohe sumange nitunu;+
Ufalua mbuʼusa ligu khöu+
14 Nifabuʼu mbewegu+
Ba niwaʼö mbawagu me tosasa ndraʼo.
15 Khöu ubeʼe gurifö satabö tobali sumange nitunu
Hegöi simbo moroi ba mbiri-biri si matua nibaliʼö sumange.
Ubeʼe sumange zawi si matua awö nambi si matua. (Sela)
16 Yaʼami fefu sangataʼufi Lowalangi, miʼaeʼe ba daʼa ba mifondrondrongo,
Udunö-dunö hadia zi no ifalua khögu.+
17 Ukaoni ia faoma bawagu
Ba ufolakhömi ia faoma lelagu.
18 Na utanö bakha ba dödögu zi lö sökhi,
Ba lö ifondrondrongo ligu Yehowa.+
20 Nisuno Lowalangi si lö manimbagö fangandrögu
Ba si lö manaha faʼomasinia si lö faröi khögu.