Amaedola
21 Amaedola gelea nidanö dödö razo ba danga Yehowa.+
Ifatörö gofu hezo manö zomasi ia.+
3 Abölö omuso dödö Yehowa na mufalua zindruhu awö zatulö
Moroi ba wameʼe sumange nitunu.+
4 Hörö sasiliyawa ba tödö si fayawa andrö ba no tobali horö.
Daʼö haga* sanuturu lala niha si lö sökhi.+
5 Tobali hare* lua-lua nikhoi dödö zowölö-ölö,+
Hizaʼi sangai angetula ba waʼaösö, aekhu dania ba waʼanumana.+
7 Tehori dania niha si lö sökhi ba waʼalösökhira andrö,+
Börö me lö lafalua zatulö.
8 Lala niha si fasala andrö ba no abila,
Hizaʼi adölö halöwö niha sadölö tödö.+
9 Abölö sökhi na toröi ita ba mbumbu nomo
Moroi na orudu ita yomo ba ndra alawe si fasoso-soso manö.*+
11 Na tehuku zangoʼaya, monönö waʼatua-tua niha si lö faʼaboto ba dödö,
Ba na itema waʼaboto ba dödö niha satua-tua, iʼila hadia nifaluania.+
12 Ihörö-hörögö nomo niha si lö sökhi Lowalangi Satulö;
Hasambalö ihori niha samalua si lö sökhi.+
13 Niha sondruhö tögi dalingania ba wangarö-ngarö niha si numana
Ba lö göi tefondrondrongo wangandrönia.+
15 Ba zatulö tödö ba faʼomuso dödö wamalua sindruhu,+
Hizaʼi tobali faʼataʼu daʼö ba niha somasi mamalua si lö sökhi.
16 Niha sangerogö lala waʼatua-tua
Fagölö lua-luara niha si no mate.+
17 Numana dania niha somasi faʼomuso-muso dödö;*+
Ba lö isöndra waʼakayo niha somasi agu hegöi fanikha.
18 Niha si lö sökhi tobali ia höli ba niha satulö,
Ba si manga mböli tobali fangali niha sadölö tödö.+
19 Abölö sökhi na ba danö si mate toröi ita
Moroi na orudu ita yomo ba ndra alawe si fasoso-soso manö.*+
20 Ba nomo niha satua-tua so harato sebua böli awö wanikha,+
21 Niha samorege ba wolohi faʼomasi si lö faröi ba sindruhu
Daʼö dania zanöndra faʼauri, faʼatulö hegöi lakhömi.+
23 Niha sanaha bawania hegöi lelania
Ba no iʼaröuʼö ia ba gabula dödö.+
24 Niha sebua gambaoho ba si fawea-wea manö,
Mufotöi ia niha si lö fanaha tödö ba sasiliyawa.+
25 Famunu niha sareu gisö-isö dödönia,
Börö me lö mohalöwö dangania.+
26 Ero maʼökhö oya sibai gisö-isö dödönia,
Hizaʼi niha satulö omasi ia mamuala ba lö itaha-taha wameʼe.+
27 Sumange nibeʼe niha si lö sökhi ba niʼogorofi,+
Mendrua manö na ibeʼe börö me so ba dödönia waʼalösökhi.*
28 Tehori dania zamaduhuʼö sofaya,+
Hizaʼi, hasambalö mofozu nifaʼema zamaduhuʼö sangehaogö famondrongo.
30 Lö hadöi mene-mene mazui faʼaboto ba dödö, mazui faʼatua-tua sindruhu si tola muʼogunaʼö ba wolawa Yehowa.+