Sinunö
Khö zondröniaʼö sinunö: Tefaudu moloʼö ”Bunga Lili”. Sinunö Dawido.
69 He Lowalangi, efaʼö ndraʼo börö me ibunudo idanö.+
2 Ahöndrö ndraʼo ba daimba sabakha, ba lö hadöi tanö sabeʼe.+
Ahöndrö ndraʼo bakha ba nidanö sabakha,
Ihanigö ndraʼo molö sabölö-bölö.+
3 Erege dödögu weʼao-ao;+
Afau dölö-tölögu.
Owökhi hörögu ba wombaloi Lowalangigu.+
4 Fatiu dödö niha khögu lö börö+
Abölö ato ira moroi ba mbu högögu.
Itugu ato niha sedöna mamunu yaʼo,
Hegöi si faʼudu khögu solau faʼonekhe.*
Lafaso ndraʼo wameʼe si lö nitagögu.
5 He Lowalangi, anehe ndraʼugö waʼabodogu,
Ba lö si tobini khöu zalagu.
6 He Lowalangi Fondrege Zalawa, Yehowa samatörö saradadu zorugo,
Yalöteʼailasi niha sanötöna khöu börö ndraʼo.
He Lowalangi ndraono Gizaraʼeli,
Yalöteʼoʼaya niha sangalui yaʼugö börö ndraʼo.
8 Tobali niha baero ndraʼo khö ndra talifusögu,
Hulö niha si fatewu ba gotalua nono ninagu.+
9 Faʼomasigu andrö ba nomomö hulö hola-hola galitö ba dödögu,+
Ba utaögö wangoʼaya moroi ba niha sangoʼaya yaʼugö.+
10 Ufalua wuasö ba wangide-ngideʼö yaʼo,*
Daʼö mbörö wa laʼoʼaya ndraʼo.
11 Me ufake nukha goni,
Tobali ndraʼo tandrösa wangoʼayara.*
12 Lafatou-tou ndraʼo ira niha si dadao ba mbawa göli mbanua,
Ba labaliʼö ndraʼo sinunöra ira niha si mabu.
13 He Yehowa, yaʼofeta khöu wangandrögu,
Ba ginötö öforomaʼö waʼasökhi dödö.+
Börö waʼafahöna waʼomasimö si lö faröi, yaʼugö Lowalangi,
Tema ligu ba sindruhu-ndruhu efaʼö ndraʼo.+
14 Efaʼö ndraʼo moroi ba daimba;
Böi tehegö ahöndrö ndraʼo.
Efaʼö ndraʼo moroi ba niha si fatiu tödö khögu
Ba moroi ba nidanö sabakha.+
15 Böi tehegö ihanigö ndraʼo molö sabölö-bölö,+
Mazui ihöndrögö ndraʼo idanö sabakha,
16 He Yehowa, tema ligu börö me sökhi waʼomasimö si lö faröi.+
Ameʼegö tödö ndraʼo moloʼö faʼebua waʼahakhö dödöu khögu,+
17 Ba böi biniʼö mbawamö khö genonimö andre.+
Aliokö wanema ligu börö me tosasa ndraʼo.+
18 Hatöʼögö khögu ba efaʼö ndraʼo;
Höli ndraʼo ba danga zi faʼudu khögu.
19 Anehe ndraʼugö hewisa me laʼoʼaya, laʼobousi ba laʼailasi ndraʼo.+
Öʼila fefu zi faʼudu khögu.
20 Afatö dödögu me laʼoʼaya ndraʼo, ba tebai mufadöhö zokhonia.*
23 Yaʼogömi-gömi höröra öbeʼe irege lö laʼila,
Ba yaʼombuyu öbeʼe löwi-löwira.
24 Hawui ira fönumö,
Akha iʼa ira hola-hola wönumö andrö.+
26 Börö me lagohi niha niböbözimö,
Ba lö laböhöli wanutunö faʼafökhö niha si no öfesokho.
27 Yamonönö zala ba zalara andrö,
Ba yalöʼatulö ira ba wamaigimö.
29 He Lowalangi, yatelumöʼö ndraʼo ba waʼabölömö andrö ba wangorifi,
Börö me marase ndraʼo ba waʼafökhö.+
30 Manunö ndraʼo ba wanuno töi Lowalangi,
Ba uʼalawaʼö ia si fao fangandrö saohagölö.
31 Abölö omasi Yehowa daʼö moroi ba zawi si matua,
Moroi ba zawi si matua sawuyu-wuyu sotandru ba sosaʼa.+
32 Laʼila daʼö fefu niha sadölö tödö ba omuso dödöra.
Yaʼami sangalui Lowalangi, yateʼaroʼö dödömi.
33 Börö me ifondrondrongo Yehowa gangandröwa niha si numana,+
Ba lö iʼosiwawöi nono mbanuania si no muʼoloiʼö.+
34 Yalasuno ia talu mbanua hegöi tanö,+
Asi awö zauri fefu ba daʼö.
35 Börö me iʼefaʼö Ziona Lowalangi+
Ba ifuli ifasindro mbanua Yehuda,
Ba daʼö toröi nono mbanuania ba laʼokhögö soi andrö.