Nisura Mareko
9 Aefa daʼö imane, ”Yafaduhu dödömi, so ösa zi lö mate moroi ba gotaluami irege laʼila waʼatohare Wamatörö Lowalangi si fao faʼabölö.”+ 2 Önö hari aefa daʼö, möi Yesu ba hili salawa, iʼohe awönia Wetero, Yakobo ba Yohane. Ha yaʼira zi möi. Iʼanemaiʼö faböʼö zikhala Yesu fönara,+ 3 ba ibörögö takile mbarunia tanö baero, abölö afusi moroi ba nukha si tola laʼafusiʼö ira sanasa nukha ba gulidanö andre. 4 Oroma khöra Gelia hegöi Moze, fahuo-huo ira khö Yesu. 5 Aefa daʼö imane Fetero khö Yesu, ”He Samahaʼö,* sökhi sibai khöda nahia daʼa. Tehegö khöma wamasindro tölu ngawua nose ba daʼa: sambua khöu, sambua khö Moze, ba sambua khö Gelia.” 6 Sindruhunia, lö iʼila hadia niwaʼönia Fetero börö waʼataʼura. 7 Iʼanemaiʼö so lawuo, ilumöʼö ira. Ba terongo li+ moroi ba lawuo andrö imane, ”Onogu daʼa, niʼomasiʼögu.+ Mifondrondrongo niwaʼönia.”+ 8 Ba zi lö ladöna-döna, lafaigi ba zi fasuira lö hadöi saʼae niha si fahuo-huo khöra baero Yesu.
9 Me möi ira tou moroi ba hili, iʼabeʼeʼö khöra wehede Yesu enaʼö böi ladunö-dunö hadia niʼilara+ irege no tesusugi Nono niha moroi ba gotalua zi mate.+ 10 Lahaogö latöngöni wehede Yesu andrö.* Hizaʼi, lafadunö-dunö yaʼira si datölu hadia geluaha wanusugi Yesu moroi ba gotalua zi mate. 11 Aefa daʼö, ibörögö lasofu khönia, ”Hana wa lawaʼö ira sangila amakhoita wa oföna tohare Gelia+ moroi khö Keriso?”+ 12 Itema lira, ”Atulö wa oföna tohare Gelia ba ifuli iʼazökhi fefu hadia ia.+ Hizaʼi, hadia gamakhaitania ayati daʼa me iwaʼö, lö tola löʼö oya dania wamakao+ hegöi fangoʼaya nitaögö Nono niha?+ 13 Uwaʼö khömi, sindruhunia no tohare Gelia.+ Hizaʼi, lafalua khönia zomasi dödöra, simane si no tesura sanandrösa khönia.”+
14 Me möi ira lafalukhaisi nifahaʼö tanö böʼö, laʼila wa no lafasui ndra nifahaʼö andrö niha sato, ba fabuʼa-buʼa khöra ndra sangila amakhoita.+ 15 Hizaʼi, me laʼila Yesu niha sato, tokea ira ba fagohi ira ba wamalukhaisi yaʼia. 16 Manofu ia, ”Hadia zi fabuʼa-buʼa ami andrö?” 17 Samösa moroi ba gotaluara imane, ”He Samahaʼö, uʼohe khöu nonogu ono matua börö me no ifakao ia malaʼika si lö sökhi irege tebai mohede.+ 18 Ero ifakao ia malaʼika si lö sökhi andrö, ilobigö tou ba danö nono daʼa, fawukhö gilo, ba ifatangi mbohania ba taya waʼabölönia. No uʼandrö khö ndra nifahaʼöu enaʼö lafofanö malaʼika si lö sökhi andrö, hizaʼi tebai lafalua.” 19 Imane khöra Yesu, ”Yaʼami ngaʼötö si lö famati,+ hawaʼara nasa toröi ndraʼo khömi? Hawaʼara nasa ubologö dödögu khömi? Ohe nono andrö ba daʼa khögu.”+ 20 Laʼohe khönia nono andrö. Hizaʼi, me iʼila Yesu malaʼika si lö sökhi andrö, iʼanemaiʼö agakandro nono daʼö ba alabu tou ba danö. Ifagaölö-gaölö nono daʼö irege fawukhö gilo. 21 Manofu Yesu khö zatua nono daʼö, ”Hamega ibörögö khönia wökhö daʼa?” Itema li, ”Iʼotarai me ide-ide. 22 No asese edöna ibunu nono daʼa malaʼika si lö sökhi andrö, ifazaumba ba galitö hegöi ba nidanö. Na tola öfadöhö ia, hakhösi tödö ndraʼaga, tologa.” 23 Imane khönia Yesu, ”Hana wa öwaʼö, ’Na tola’? Lö si tebai ba niha samati.”+ 24 Iʼanemaiʼö muʼao zatua nono andrö, ”Mamati ndraʼo! Tolodo enaʼö monönö wamatigu nasa!”+
25 Me iʼila Yesu ato niha zangondrasi yaʼia, ihahagö malaʼika si lö sökhi andrö, ”Uwaʼö khöu, yaʼugö malaʼika si lö hede ba safiso, hetaʼö moroi ba mboto nono daʼö. Böi fuliʼö!”+ 26 Me no muʼao ba agakandro nono daʼö, mofanö malaʼika si lö sökhi andrö. Hulö zi no mate nono daʼö irege ato zangumaʼö, ”No mate ia!” 27 Hizaʼi, igogohe dangania Yesu, isusugi nono daʼö ba mosindro ia. 28 Me no aefa möi Yesu ba zi sambua omo, manofu khönia ndra nifahaʼönia ba zi lö niha-niha, ”Hana wa tebai mafofanö malaʼika si lö sökhi andrö?”+ 29 Itema lira, ”Ha fangandrö wa tola mufofanö zimane daʼö.”
30 Mofanö ira moroi ba daʼö lataluʼi mbanua Galilaia, hizaʼi lö omasi ia na so zangila 31 börö me so nifatunönia khö ndra nifahaʼö. Imane khöra, ”So dania zi manga mböli Nono niha, labeʼe ia ba danga zi faʼudu khönia ba labunu ia.+ Hizaʼi, hewaʼae labunu ia, ifuli tesusugi ia ba ngaluo si tölu.”+ 32 Hizaʼi, lö aboto ba dödöra wehedenia ba ataʼu ira wanofu khönia.
33 Ofeta ira ba Gafanauma. Me so ira bakha ba nomo, manofu khöra Yesu, ”Hadia nifadönimi mege ba lala?”+ 34 Lö hede-hedera börö me lafadöni mege ba lala haniha zebua ba gotaluara. 35 Modadao ia, ikaoni zinengenia si 12 imane, ”Haniha zomasi tobali siföföna, yatobali ia safuria ba enoni zato.”+ 36 Aefa daʼö, ikaoni samösa ndraono side-ide. Iʼandrö enaʼö mozizio ia ba gotaluara. Italagui nono andrö ba imane khöra, 37 ”Na so zanemaʼö ono side-ide simane daʼa+ börö döigu, eluahania no göi itemaʼö ndraʼo. Ba haniha zanemaʼö yaʼo, tenga ha yaʼo nitemania, hizaʼi no itema göi zamatenge yaʼo.”+
38 Imane khönia Yohane, ”He Samahaʼö, so samösa niʼilama zamofanö malaʼika si lö sökhi ba döimö, ba no mawaʼö khönia enaʼö böi ifalua daʼö börö me lö fao ia khöda.”+ 39 Hizaʼi, imane Yesu, ”Böi mitaha ia. Niha samalua tandra safönu faʼabölö ba döigu, lö iʼanemaiʼö iwaʼö zi lö sökhi sanandrösa khögu na no aefa ifalua daʼö. 40 Niha si lö molawa yaʼita, si fao khöda daʼö.+ 41 Sindruhu-ndruhu ufatunö khömi, haniha zameʼe ömi si sambua galasi idanö börö me okhöta Keriso ami,+ lö taya luonia.+ 42 Hizaʼi, haniha zanaisi niha samati simane ono side-ide andre, abölö sökhi latawi ba mbaginia gara sebua,* aefa daʼö latiboʼö ia ba nasi.+
43 ”Na iʼalani ndraʼugö tangau, taba manö ia. Abölö sökhi ha tambai dangau ba ösöndra waʼauri, moroi na dua dangau, hizaʼi tetiboʼö ndraʼugö ba Gehena,* alitö si lö mate-mate.+ 44* —— 45 Na iʼalani ndraʼugö aheu, taba manö ia. Abölö sökhi ha tambai gaheu moroi na dua gaheu ba tetiboʼö ndraʼugö ba Gehena.*+ 46* —— 47 Na iʼalani ndraʼugö höröu, tiboʼö manö ia.+ Abölö sökhi ha tambai höröu ba möiʼö ba Wamatörö Lowalangi, moroi na dombua höröu ba tetiboʼö ndraʼugö ba Gehena,*+ 48 naha gukuö ba alitö si lö mate-mate.+
49 ”Niʼasioni alitö dania fefu niha.+ 50 Sindruhu wa sökhi nasio. Hizaʼi, na lö asi-asi nasio, hewisa wa tola muʼasioni zui?+ Miʼokhögö nasio ba dödömi+ ba yafaoma atulö ami khö nawömi.”+