Sara Tesalonika

3 Omasiga sibai falukha khömi, andrö wa mahalö gangetula toröiga ba Atena,+ 2 ba mafatenge dalifusöda Timoteo,+ enoni Lowalangi sanuriaigö* turia somuso dödö sanandrösa khö Keriso ba wangaʼaroʼö yaʼami hegöi ba wondrara tödömi börö me mamati ami, 3 enaʼö samösa lö ba gotaluami zawuwu* famati börö ngawalö wamakao andre. Miʼila samösa wa tebai tatimbagö wamakao simane daʼö.*+ 4 Sagötö wefaoma khömi, asese maʼombakhaʼö wa hasambalö tatörö wamakao, ba miʼila samösa wa daʼö zalua.+ 5 Omasido sibai uʼila hewisa waʼalöfaröimi,+ andrö wa ufatenge zalahigu, börö me so so dödögu ma idönisi dödömi Afökha*+ irege zaya-zaya gölö waʼerege dödöma.

6 Hizaʼi, awena mangawuli ba daʼa+ Dimoteo ba wolohe turia si sökhi sanandrösa ba waʼalöfaröimi hegöi faʼomasimi. Oya zi tebai miʼolifugö khöma ba omasi ami mifalukhaisi ndraʼaga, simane yaʼaga göi omasiga falukha khömi. 7 Börö daʼö yaʼami ira talifusö, hewaʼae oya wamakao ba faʼatosasa nitöröma, terara dödöma börö ami hegöi faʼalöfaröimi.+ 8 Itugu aro* ndraʼaga na abeʼe wamatimi khö Zoʼaya. 9 Hewisa wangandröma saohagölö khö Lowalangi salahimi ba waʼomuso dödö sebua si no marasoi? 10 Bongi maʼökhö maʼandrö khö Lowalangi soroi ba dödö enaʼö tola falukha* ita ba wombönökhi na so zoʼamböta ba wamatimi.+

11 Yaʼituturu khöma lala Lowalangi, Amada, hegöi Soʼaya yaʼita Yesu ba wamalukhaisi yaʼami. 12 Yamonönö ba tedou waʼomasimi ibeʼe Soʼaya khö ndra talifusö si sara lala wamati khömi+ hegöi ba niha fefu, simane faʼomasima khömi, 13 irege iʼaroʼö dödömi, lö mosinegu, ba niʼamoniʼö föna Lowalangi,+ Amada, na tohare Zoʼaya yaʼita Yesu+ si fao ira niha niʼamoniʼö andrö khönia.