Amaedola
3 Böbö ia ba durumö;
Ba sura daʼö ba dödöu.+
4 Ömane ba waʼatua-tua, ”Gaʼagu ono alawe ndraʼugö,”
Ba ömane ba waʼaboto ba dödö, ”Talifusögu ndraʼugö”,
6 Moroi ba zandrela nomogu,
Uʼoroʼö mbagigu ba zara-zara wamaigi si tou,
7 Me uhaogö unehegö niha si lö faʼaboto ba dödö,
Uʼila samösa nono matua si lö tödö ba gotalua ndraono matua sato.+
8 Itörö lala sahatö ba nomo ndra alawe andrö,
Ba möi ia ba nomo daʼö
9 Ba zi tanö owi me no aekhu luo,+
Me no bongi ba ibörögö ogömi-gömi.
10 Lö ara, uʼila samösa ndra alawe samalukhaisi yaʼia,
Samake nukha zohorö-horö,+ ba si no tefuyu tödö.
11 Oya wehede ndra alawe daʼö ba abeʼe högönia.+
Lö irai manaroʼo ia ba nomo.
12 Itaria so ia baero nomo, itaria göi soi ia ba golayama.
Itarogö ba wabaliwa lala.+
13 Italagui nono matua daʼö ba iʼuma;
Lö aila ia wangumaʼö,
14 ”Hasambalö ubuʼa gömögu sumange fangatulö.+
No ufalua mbuʼusa ligu maʼökhö.
15 Daʼö mbörö wa möido ufalukhaisi ndraʼugö,
Ba wangalui yaʼugö irege falukha ita!
16 No ufasa siferei si sökhi ba gasogu,
Nukha si sökhi solaʼa-laʼa moroi ba Miserai.+
17 No ufazawili ba naha wemörögu gemuri, gaharu,* kuli mani.+
18 Aine, datalau fasita irugi sihulö wongi;
Datarasoi waʼomasi ba wanalagui awöda,
19 Lö hadöi saʼatö foʼomogu ba nomo;
No möi ia mukoli ba danö saröu.
20 Sambua bola-bola niʼohenia gefe,
Na tohare duli dania awena mangawuli ia.”
21 Ilimo nono matua daʼö ira alawe andrö ba mbewenia salösö,+
Idönisi faoma fehede si sökhi sadöni dödö.
22 Iʼanemaiʼö iʼoʼö hulö göröbao nifesu ikhu niʼohe ba naha wanaba,
Simane niha si bodo nihuku faoma rate,*+
23 Irege atöla dödönia ba nono wana;
Simane fofo si hombo salau ba wesu, lö iʼila wa teʼala nosonia.+
24 Andrö yaʼami iraonogu, mifondrondrongo wehedegu;
Miʼameʼegö tödö niwaʼögu.
25 Böi tehegö ahole dödöu ba lala ndra alawe daʼö.
Böi elungu ndraʼugö weʼamöi ba lalania,+
26 Börö me iʼasogö waʼamate niha soya,+
Ba ato sibai nibununia.+
27 Na möiʼö ba nomonia hulö zi möi ba Lewatö;*
Ba na möiʼö ba daʼö hulö zaekhu ba waʼamate.