Sinunö
Khö zondröniaʼö sinunö: Moloʼö ”Böhö ba Waʼamoluo”.* Sinunö Dawido.
22 He Lowalangigu, he Lowalangigu, hana wa öröi ndraʼo?+
Hana wa lö tohare ndraʼugö ba wangefaʼö yaʼo?
Hana wa lö öfondrondrongo wege-egegu?+
2 He Lowalangigu, lö uböhöli weʼao ba zi maʼökhö;
Utohugö nasa ba zi bongi, hizaʼi lö ötema ligu.+
6 Hizaʼi hulö gelewazi ndraʼodo andre, tenga niha,
Niʼoʼaya ba nihöndrögö niha.+
8 ”Faduhu dödönia khö Yehowa. Akha möi Lowalangi wangefaʼö yaʼia!
Akha Lowalangi zangorifi yaʼia, na sindruhu iʼomasiʼö ia Lowalangi!”+
10 Örorogö ndraʼo* iʼotarai me tumbu;
Iʼotarai ba dalu ninagu, no tobali ndraʼugö Lowalangigu.
13 Laʼebuaʼö wamokai bawara fönagu.+
Hulö zingo siʼao ba sanasawi ahuluania.+
14 Ahori waʼabölögu simane faʼaduwa nidanö;
Ahori faefa fefu ndroto-ndrotogu.
15 Otufo waʼabölögu simane akhökhöla mbowoa tanö;+
Fakitö lelagu ba gararogu;+
Öröi ndraʼo bakha ba dögi enaʼö matedo.+
16 Lafaʼuʼu ndraʼo asu;+
Lahurufai ndraʼo simane ngawawa niha si lö sökhi,+
Laʼusu dangagu awö gahegu simane singo.+
17 Lafaigi ndraʼo ba latöngö.
19 He yaʼugö Yehowa, böi aröuʼö ndraʼugö khögu.+
Yaʼugö wangabeʼegu, aliokö wanolo yaʼo.+
20 Efaʼö ndraʼo ba mbawa wöda hegöi ba mbawa nasu,+
Rorogö nosogu sebua böli andre.
21 Efaʼö ndraʼo moroi ba mbawa zingo+ ba moroi ba dandru göröbao samuʼi;
Fondrondrongo weʼaogu ba efaʼö ndraʼo.
22 Uʼombakhaʼö döimö ba gotalua ndra talifusögu.+
Usuno ndraʼugö ba gotalua nono mbanuamö.+
23 Misuno ia, yaʼami sangataʼufi Yehowa!
Mifolakhömi ia, yaʼami ngaʼötö Yakobo!+
Mifosumange ia, yaʼami ngaʼötö Gizaraʼeli!
24 Lö ihöndrögö niha nifakao mazui iʼaohasi ba dödö waʼatosasania;+
Lö ibiniʼö mbawania khö niha daʼö.+
Ibeʼe mbörö dalingania ba ginötö iʼandrö wanolo.+
25 Usuno ndraʼugö ba gotalua nono mbanuamö sato;+
Ufalua zi no ufabuʼu föna niha sangataʼufi yaʼugö.
Yaʼauri ami* sagötö faʼara.
27 Itörö tödö niha gulidanö Yehowa ba lafuli ira khönia.
Mangalulu fefu soi fönania.+
28 Börö me Yehowa zi tobali Razo;+
Yaʼia zamatörö fefu soi.
29 Manga fefu niha si kayo* ba gulidanö ba mangalulu ira khönia;
Fefu niha si no möi tou ba gawu-gawu ba latuhi danö fönania;
Lö si tola mondrouʼö faʼanau nosora.
30 Ngaʼötöra dania zamosumange yaʼia;
Ba lafatunö dania ba ngaʼötöra si tumbu aefa daʼö zanandrösa khö Yehowa.
31 Tohare ira ba wanutunö amuatania satulö,
Ba lafatunö dania ba soi sedöna tumbu hadia zi no ifalua.