Sinunö
Khö zondröniaʼö sinunö: Teʼodane-dane ba ”Marafadi si Lö Hede Saröu ba Daʼö”. Mikitama.* Sinunö Dawido me laraʼu ia ira niha Wilisiti ba Gata.+
56 He Lowalangi, hakhösi tödö ndraʼo börö me ato zi faʼudu khögu.
Ero maʼökhö, laʼuduni ba lafakao ndraʼo.
2 Ero maʼökhö lasuwö ndraʼo si faʼudu khögu;
Ato zi fayawa ba wolawa yaʼo.
3 Ba ginötö waʼataʼu,+ faduhu dödögu khöu.+
4 Usuno daromalimö, yaʼugö Lowalangi,
Faduhu dödögu khöu, yaʼugö Lowalangi; lö ataʼu ndraʼo.
Hadia zi tola lafalua khögu niha?+
5 Ero maʼökhö lafakao ndraʼo;
Edöna sibai ira ba wamaʼala yaʼo.+
7 Timbagö ira börö waʼalösökhira.
He Lowalangi, ekhugö tou ngawalö soi ba wönumö.+
8 No ösura wamakao salua khögu me moloi ndraʼo.+
Iröʼö nidanö hörögu ba naha* andrö khöu.+
Hadia tenga no ötanö ba zura khöu?+
9 Awuwu furi zi faʼudu khögu ba ginötö muʼao ndraʼo wangandrö fanolo.+
Faduhu dödögu wa fao khögu Lowalangi.+
10 Usuno daromalimö, yaʼugö Lowalangi,
Usuno daromalimö, yaʼugö Yehowa,
11 Faduhu dödögu khöu, yaʼugö Lowalangi; lö ataʼu ndraʼo.+
Hadia zi tola lafalua khögu niha?+