Amaedola
2 Niha si bodo ba lö iʼomasiʼö waʼatua-tua;
Iʼombakhaʼö fefu nösi dödönia.+
3 Na tohare niha si lö sökhi ba tohare göi wangoʼaya,
Ba wangoʼaya andrö fatewu waʼaila.+
4 Fehede zi samösa niha andrö hulö nasi sabakha.+
Umbu waʼatua-tua andrö hulö nungo nidanö sangele.
7 Bawa niha si bodo möi famakikonia,+
Ba bewenia zi tobali tandrawa nosonia.
9 Niha sareu wohalöwö
Fatalifusö ira niha somasi mamakiko.+
11 Harato niha si kayo hulö mbanua si no mufoʼöli khönia;
Hulö mbaʼa-baʼa folumöʼö daʼö ba wangifi.+
14 Faʼomuso dödö niha tola möi fangabölönia na mofökhö ia,+
15 Tödö niha satua-tua isöndra waʼaboto ba dödö,+
Ba talinga niha satua-tua iforege wangalui faʼaboto ba dödö.
16 Buala andrö tobali famokai lala ba niha sameʼe yaʼia;+
Daʼö zamasao yaʼia khö ndra niha segebua faka.
17 Hulö na atulö wamaigida niha si oföna möi mangadu,+
Hizaʼi, awena oroma haniha zatulö na no tohare niha böʼö ba wamareso amadöniwania.+
18 Dahö-dahö nifazaumba möi famöhöli wasosota+
Ba tobali fangasiwai waʼudusa ba gotalua* niha sabölö.
19 Abölö abua wokalaisi talifusö safökhö tödö moroi ba wokalaisi banua si no mufoʼöli,+
Ba na faʼudu ira, abua wangatulöʼö, hulö mbaʼa-baʼa mbawa göli si no aro.+
20 Fehede zi samösa niha hulö gö si möi fangabuso dalunia;*+
Teʼabusoiʼö ia moroi ba mbua-bua mbewenia.
22 Niha sanöndra foʼomo ira alawe si sökhi, ba no isöndra zabölö ebua böli,+
Ba falukha ia waʼebua dödö Yehowa.+
23 Mangandrö-ngandrö fanolo niha si numana,
Hizaʼi, lö sökhi wanema li niha si kayo.