Sinunö
Khö zondröniaʼö sinunö: Niʼanunöisi si fao fakake zinunö nifosinali. Masikili.* Sinunö Dawido.
2 Ameʼegö tödö ndraʼo ba tema ligu.+
Fawuka gera-eragu börö waʼaombö dödö,+
Ba lö ahono dödögu,
3 Urongo-rongo wehede zi faʼudu khögu
Ba lafakao ndraʼo ira niha si lö sökhi.
Lö laböhöli wamaki tödögu,
Ba no fahöna ba dödöra watiusa hegöi ba wolawa yaʼo.+
5 Manizi-nizi ndraʼo ba waʼataʼu,
No ilazi ndraʼo fehokha mbu.
6 Lö uböhöli wangumaʼö, ”Enaʼö sibai so gafigu simane marafadi,
Ba humombo ndraʼo ba zaröu wangalui nahia sahono dödögu.
7 Uʼaröuʼö ndraʼo woloi.+
Ba danö si mate uʼiagö.+ (Sela)
8 Uʼaliokö wangalui nahia si lö ametaʼuö,
Si lö itörö angi sabölö-bölö, si lö itörö bade.”
9 He Yehowa, fawukaisi ira ba böi tehegö alua niʼera-era dödöra,*+
Börö me no uʼila waʼalösökhi ba faʼudusa ba mbanua andrö.
10 Bongi maʼökhö lafasu-fasui dete göli khöra;
Famakao ba faʼalösökhi zalua ba mbanua andrö.+
11 Faʼatekiko zalua ba daʼö;
Lö tebulö so wamakao ba falimosa ba nahia sato niha.+
12 Na si faʼudu khögu zangoʼaya yaʼo,+
Ba tola nasa ubologö dödögu khönia.
Na si faʼudu khögu zolawa yaʼo,
Ba tola ubiniʼö ndraʼo khönia.
14 No irai tarasoi wahuwusa si sökhi;
Fao-fao ita ba niha sato weʼamöi ba nomo Lowalangi.
15 Yaʼilangögö ira faʼatekiko!+
Akha tekoʼo auri ira ba Lewatö;*
Börö me mangazuni ba dödöra waʼalösökhi ba no afönu nomora daʼö.
16 Na yaʼo, khö Lowalangi muʼao ndraʼo,
Ba iʼefaʼö ndraʼo Yehowa.+
18 Ibeʼe khögu waʼahono dödö ba iʼefaʼö* ndraʼo moroi ba zi faʼudu khögu sanuwö yaʼo,
Börö me ato sibai ira.+
19 Ifondrondrongo wangarö-ngarögu Lowalangi ba maoso ia dania wolawa yaʼira,+
Yaʼia andrö zamatörö iʼotarai mböröta.+ (Sela)
Lö laböhöli gamuatara
Ba lö laʼataʼufi Lowalangi.+
21 Abölö alösö wehedenia moroi ba mentega,+
Hizaʼi, fasöndra-söndra bakha dödönia.
Abölö alösö wehedenia moroi ba wanikha,
Hizaʼi hulö nikhu gari satarö.+
Lö irai itehegö aekhu tou* niha satulö tödö.+
23 Ba yaʼugö Lowalangi zameʼe yaʼira ba dögi sabölö abakha,+
Niha soʼömö do ba somasi falimosa, lö ikhamö talu niha ndröfira.+
Hizaʼi na yaʼo, khöu faduhu dödögu.