Sinunö
Khö zondröniaʼö sinunö: Niʼanunöisi si fao fakake zinunö nifosinali. Sinunö Dawido.
4 Fondrondrongo ligu na muʼao ndraʼo, he Lowalangi samalua satulö.+
Folala dödögu ba waʼatosasagu andre.
Hakhösi tödö ndraʼo ba fondrondrongo wangandrögu.
2 He yaʼami ono niha, hawaʼara miböhöli wangoʼaya yaʼo?
Hawaʼara miböhöli wangomasiʼö si lö eluaha ba miʼalui zi lö duhu? (Sela)
3 Yaʼaboto ba dödömi, tohude* nono mbanuania si lö faröi ibeʼe Yehowa;
Ifondrondrongo Yehowa na muʼao ndraʼo khönia.
4 Na mofönu ami, böi mifalua horö.+
Lau fahuhuo bakha ba dödöu, ba naha wemörö, ba honogö ndraʼugö. (Sela)
5 Beʼe zumange soroi ba dödö,
Ba faduhusi tödö Yehowa.+
6 Ato niha zangumaʼö, ”Haniha zamahaʼö yaʼita ba wangiʼila si sökhi?”
Foromaʼö waʼomasimö khöma* Yehowa.+
7 Abölö omuso dödögu öbeʼe
Moroi ba niha soya mamasi bua nowi hegöi bua nagu.