Sinunö
Khö zondröniaʼö sinunö: Sanandrösa khö Gititi.* Sinunö ngaʼötö Gora.+ Sambua sinunö.
Omuso dödögu hegöi botogu maʼasambua khö Lowalangi sauri.
3 Fofo manö ba so nomonia ba daʼö
Ba katawaena no ifazökhi gazuninia,
Nahania ba wondrorogö ononia,
Sahatö ba naha wanunu sumange andrö solakhömi, yaʼugö Yehowa samatörö saradadu zorugo,
Razogu ba Lowalangigu!
4 Omuso-muso dödö niha si toröi ba nomomö!+
Lö laböhöli wanuno yaʼugö.+ (Sela)
5 Yaʼahowu niha sanöndra faʼabölö moroi khöu,+
Somasi manörö lala sofeta ba nomou.
6 Me latörö Ndraso Baka,*
Labaliʼö nahia safönu umbu nidanö;
Ba fahöna khönia howu-howu ibeʼe teu siföföna.*
7 Na mofanö ira, itugu ara ba itugu monönö waʼabölöra;+
Dozi ira, laʼotahögö Lowalangi Ziona.
8 He Yehowa Lowalangi samatörö saradadu zorugo, fondrondrongo wangandrögu;
Fondrondrongo yaʼugö Lowalangi Yakobo. (Sela)
10 Sökhi zi ha maʼö-maʼökhö ba golayama nomomö moroi ba zi saribu hari ba nahia böʼö!+
No uhalö gangetula wezizio ba mbawandruhö nomo Lowalangigu
Moroi na toröi ndraʼo ba nose niha si lö sökhi.
Lö itaha ngawalö zi sökhi Yehowa
Ba niha si lö faröi.+
12 He Yehowa samatörö saradadu zorugo,
Yaʼahowu niha si faduhu tödö khöu.+