Sinunö
Fangandrö Dawido.
17 He Yehowa, fondrondrongo niwaʼögu ba wangandrö faʼatulö;
Ameʼegö tödö weʼaogu ba wangandrö fanolo;
Fondrondrongo wangandrögu andre soroi ba dödö.+
2 Yaʼatulö gangetula nibeʼeu khögu;+
Yaʼiʼila höröu zindruhu.
3 No öfareso dödögu, no ösekhegö ndraʼo na ba zi bongi;+
No öhaogö ndraʼo;+
Aboto ba dödöu wa lö niʼera-eragu si lö sökhi,
Ba lö nifaluagu sala ba wehedegu.
4 Gofu hadia nifalua niha böʼö,
Lö utörö lala zorabu simane niwaʼöu.+
5 Yalötebulö utara lahemö
Faböi manendre gahegu.+
6 He Lowalangi, muʼao ndraʼo khöu börö me ötema ligu.+
Fondrondrongo niwaʼögu. Beʼe mbörö dalingau ba wehedegu.*+
7 Foromaʼö waʼomasimö si lö faröi si fao ngawalö zahöli-höli dödö,+
Yaʼugö Zangorifi niha solumöʼö yaʼira ba gambölöu,
Solumöʼö yaʼira moroi ba niha solawa yaʼugö.
9 Lumöʼö ndraʼo moroi ba niha si lö sökhi sanuwö yaʼo,
Moroi ba nudu samasui ba sedöna mamunu yaʼo.+
10 Lö khöra faʼahakhö dödö;*
Fahuhuo mbawara si fao faʼasiliyawa;
11 No lafaʼuʼu ndraʼaga iadaʼa;+
Laʼalui lala ba wangekhugö* yaʼaga.
12 Hulö zingo ira sanasawi ahuluara,
Simane singo sawuyu-wuyu sanarogö ba nahia si tobini.