Ngenu-Ngenu Yeremia
א [Alef]
3 Yaʼo niha si no mangila famakao börö me Lowalangi zanguhuku yaʼita ba wönunia sabölö-bölö.
2 Ifofanö ndraʼo ba ifowaö-waö ndraʼo ba zogömi-gömi, tenga ba haga.+
3 Lö iböhöli wohawiagö tangania khögu ero maʼökhö.+
ב [Bet]
4 Ahori nagolegu awö guligu ibeʼe.
Ifafatö dölagu.
5 Ifaʼuʼu ndraʼo; no ibeʼe ba zi fasuigu zinanö solangu+ ba faʼatosasa.
6 Ifaso ndraʼo ba wangiagö sogömi-gömi simane niha si no ara mate.
ג [Gimel]
7 Ikuru ndraʼo ba göli kara enaʼö lö uʼila moloi.
Iböbö gahegu faoma rate tembaga sabua.+
8 Me muʼao-ao ndraʼo ba wangandrö fanolo khönia ba lö ifondrondrongo gangandröwagu.+
9 Ibaʼa lalagu faoma kara nitaba.
Ifahiwö-hiwö lalagu.+
ד [Dalet]
10 Ibaloi ba wamaʼuʼu yaʼo simane berua, simane singo sanarogö.+
11 Ifaso ndraʼo enaʼö elungudo ba lala ba wamakiko yaʼo.*
Iröi manö ndraʼo.+
12 Ifaöndrö* wana sinali khönia ba ibaliʼö ndraʼo ohitönia.
ה [He]
13 Ifana mbuagu faoma ono wanania si no ibeʼe ba naha.
14 Tobali ndraʼo famaʼiki niha fefu. Labaliʼö sinunöra ndraʼo ero maʼökhö.
15 Abuso ndraʼo ibeʼe ngawalö zafeto. Lö iböhöli ifabadugö khögu nidanö zinanö safeto.+
ו [Waw]
16 Agafatö nifögu ibeʼe ba gereke.
No teköröbu ndraʼo ibeʼe ba gawu-gawu börö waʼataʼu.+
17 No öheta khögu waʼahono dödö. Olifu ndraʼo hewisa waʼomuso dödö andrö.
18 Umane, ”No taya lakhömigu, simanö göi wanötönagu khö Yehowa.”
ז [Zayin]
19 Törö tödöu wa tosasa ndraʼo ba lö nahiagu waʼatoröi,+ sinanö safeto gögu ba sinanö solangu.+
20 Hasambalö itörö tödöu ba öfaöndrö ndraʼugö ba wanolo yaʼo.+
21 Utanögö ba dödögu daʼö. Andrö wa ebolo dödögu wombaloi yaʼugö.+
ח [Het]
22 Börö waʼomasi si lö faröi khö Yehowa, andrö wa lö tehori ita.+
Lö irai aetu waʼahakhö dödönia.+
23 Ibohouni daʼö ero sihulö wongi.+ Fahöna waʼalöfaröinia.+
24 Umane, ”Tana khögu Yehowa.+ Daʼö mbörö wa ebolo dödögu wombaloi yaʼia.”+
ט [Tet]
25 Sökhi Yehowa ba niha sanötöna khönia,+ ba niha si lö mamöhöli ba wangalui yaʼia.+
26 Hawaʼasökhi ba niha na ibaloi+ wangorifi moroi khö Yehowa.+
27 Hawaʼasökhi ba niha na iʼonorogö tödö zabua* ba götö waʼawuyunia.+
י [Yod]
28 Akha modadao niha daʼö ha yaʼia, ba ihonogö ia na ibeʼe khönia noro andrö Lowalangi.+
29 Akha mangalulu ia irege tetutu mbawania ba gawu-gawu.+ Maʼatö so wanötöna.+
30 Akha ibeʼe mboʼönia ba niha samözi yaʼia.
Akha laʼosindruhugö wangoʼaya yaʼia.
כ [Kaf]
31 Tenga sagötö faʼara itimbagö ita Yehowa.+
32 Hewaʼae na ifatörö khöda waʼabu dödö, ba hasambalö ihakhösi tödö ita börö me fahöna khönia waʼahakhö dödö si lö faröi.+
33 Lö omasi ia na tosasa ba abu dödö niha.+
ל [Lamed]
34 Niha sanguhundragö fefu niha nikuru ba soi daʼa,+
35 Sorabu faʼatulö föna Wondrege Zalawa,+
36 Ba solimo awönia ba gamadöniwara
Lö itehegö manö khöra Yehowa.
מ [Mem]
37 Na tenga Yehowa zangumaʼö, haniha zangoroisi enaʼö alua?
38 Lö ifaogö wangumaʼö si lö sökhi awö zi sökhi Fondrege Zalawa.
39 Na itaögö lua-lua horönia si samösa niha, hadia sinangea na mangarö ia?+
נ [Nun]
40 Datahaogö wamareso ba tasekhegö gamuatada+ ba tafuli ita khö Yehowa.+
41 Taʼandrö soroi ba dödö khö Lowalangi ba zorugo, ba tafazawa dangada ba wangandrö khönia,+
42 ”No mafalua horö ba molawa ndraʼaga,+ ba lö öʼefaʼö horöma.+
ס [Samekh]
43 Mofönu ndraʼugö ba lö omasiʼö öfondrondrongo wangandröma.*+
Ögohi ndraʼaga ba lö ahakhö dödöu wamunu yaʼaga.+
44 Öbaʼa lala sofeta khöu faoma lawuo irege lö ofeta khöu wangandröma.+
45 Öbaliʼö ndraʼaga si taʼunö ba sasao ba gotalua soi niha.”
פ [Pe]
46 Fefu zi faʼudu khöma lafaboka mbawara wangoʼaya yaʼaga.+
47 Ihawui ndraʼaga faʼataʼu hulö zi no aekhu ba dögi.+ No muröi manö ndraʼaga ba arasa dödöma.+
48 Lö tebato mowöi dawa hörögu börö waʼatekiko soigu andrö.+
ע [Ayin]
51 Abu dödögu me uʼila zalua ba mbanua si fasui.+
צ [Tsade]
52 Ba zi lö börö, lafangalui fofo ndraʼo si faʼudu khögu.
53 Latandraigö wamunu yaʼo ba dögi; latebu ndraʼo faoma kara.
54 Ahöndrö ndraʼo ba nidanö ba umane, ”Si mate saʼae ndraʼodo!”
ק [Qof]
55 He Yehowa, uʼangaröfili döimö moroi ba dögi sabakha.+
56 Fondrondrongo ligu. Böi duhö dögi dalingamö na muʼao ndraʼo khöu ba wangandrö tolo.
57 Ba ginötö muʼao ndraʼo khöu, öʼondrasi ndraʼo ba ömane, ”Böi ataʼufi.”
ר [Res]
58 He Yehowa, no öʼoʼawögö gamadöniwagu. No öhöli nosogu.+
59 He Yehowa, no anehe ndraʼugö wa lö atulö nifalua khögu.
Beʼe khögu waʼatulö.+
60 No anehe ndraʼugö wolau balö nifaluara khögu, fefu niʼera-erara ba wamaʼala yaʼo.
ש [Sin] mazui [Syin]
61 He Yehowa, no örongo hewisa wangoʼayara yaʼo, fefu niʼera-erara ba wamaʼala yaʼo,+
62 Fehede moroi ba mbewe zi faʼudu khögu, ba nifatou-toura yaʼo bongi maʼökhö.
63 Faigi ira. Na modadao ba na mosindro ira, laʼoʼaya ndraʼo ba zinunöra!
ת [Taw]
64 He Yehowa, yaʼösulöni khöra moloʼö nifaluara.
65 Öʼelifi ira ba öʼabeʼeʼö högöra.
66 He Yehowa, yaʼugö dania zolohi yaʼira ba wönumö ba öhori ira ba gulidanö.