Amaedola
22 Abölö sökhi döi si sökhi moroi ba harato sebua;+
Ba abölö sökhi nifosumange* moroi ba wirö hegöi anaʼa.
2 So zi fagölö niha si kayo ba zi numana:
Yehowa zomböi yaʼira.+
3 Niha satua-tua ibiniʼö ia na so deʼala,
Hizaʼi niha si lö faʼaboto ba dödö itörö manö ba iluʼi lua-luania.*
4 Fangide-ngideʼö ba fangataʼufi Yehowa
Zameʼe faʼakayo, lakhömi ba faʼauri.+
5 So ndroi hegöi tandrawa ba lala niha selungu,
Hizaʼi niha sangamoniʼö nosonia ba lö ifahatö ia khöra.+
11 Niha sangomasiʼö faʼadölö dödö ba sangehaogö fehedenia
Ba fahuwu dania ia khö razo.+
12 Hörö Yehowa zondrorogö faʼaboto ba dödö,
Hizaʼi, lö aʼozu wehede zi manga mböli.+
13 Imane sareu, ”So zingo baero!
Ma dania isasawi ndraʼo ba golayama!”+
14 Hulö goho-koho sabakha mbawa ndra alawe si lö sökhi.*+
Ba daʼö dania alau niha nifetaʼu Yehowa.
16 Haniha zolimo niha si numana enaʼö kayo ia+
Ba haniha zameʼe buala ba niha si kayo
Aekhu dania ba waʼatosasa.
17 Beʼe mbörö dalingau ba fondrondrongo wehede niha satua-tua,+
Enaʼö tola ötema waʼaboto ba dödögu soroi dödömö,+
18 Falukhaʼö dania waʼomuso dödö na öʼiröʼö daʼö ba dödöu,+
Irege asese ödunö-dunö ia.+
19 Maʼökhö andre ubeʼe khöu waʼaboto ba dödö,
Enaʼö faduhu dödöu khö Yehowa.
20 Hadia tenga no oya ngawalö nisuragu khöu,
Ubeʼe khöu mene-mene ba faʼaboto ba dödö,
21 Ba wamahaʼö yaʼugö ba zindruhu ba si tola mufaduhusi tödö,
Enaʼö na mangawuliʼö ba tola öfaʼema duria sindruhu ba niha samatenge yaʼugö?
22 Böi rabu niha si numana ba waʼanumanania,+
Ba böi fakao niha si tosasa ba mbawa göli mbanua,*+
23 Börö me Yehowa zangoʼawögö amadöniwara+
Ba hasambalö mubunu niha solimo yaʼira.
24 Böi fariawö ba niha sofönu-fönu manö
Ba böi fao ba niha sagalio aukhu,
25 Enaʼö lö ötörö lalania
Ba lö teʼala waʼauriu.+
26 Böi tobali ndraʼugö niha samalua buʼusa li,
Si möi ba wali ba woʼömö niha böʼö.+
27 Na tebai öbuʼa dania,
Ba lua-luania lahalö naha wemöröu!
28 Böi fawuʼa nola si no muhonogöi iʼotarai mböröta,
Si no latatugöi ira tuamö.+
29 Hadia no irai öʼila niha sonekhe ba halöwö dangania?
Föna razo-razo mozizio ia,+
Tenga föna niha si toʼölö manö.