Yesaya
40 ”Mirara dödö nono mbanuagu, mirara dödöra,” iwaʼö Lowalangi.+
No afönu* itema wanguhuku ba horö si no ifalua moroi ba danga Yehowa.”+
3 So samösa ziʼao ba danö si mate:
”Mihenaigö lala khö Yehowa!+
Mihaogö lala+ sadölö khö Lowalangida.+
4 Mitimbu mbawa danö,
Mifadaya hili hegöi hili-hili,
Mifaloʼo danö sokara,
Ba tanö si fahiwö tobali tanö saloʼo.+
6 Fondrondrongo! So samösa zangumaʼö, ”Ao!”
Hizaʼi, lamane tanö böʼö, ”Hadia niwaʼögu weʼao?”
”Fefu niha hulö ndruʼu.
Fefu waʼomasira hulö mbunga ba mbenua.+
Sindruhu sa, niha andrö hulö simane duʼu.
9 Ira alawe solohe turia si sökhi ba Ziona,+
Aeʼe ba hili salawa!
Ira alawe solohe turia si sökhi ba Yeruzalema,
Ebuaʼö liu weʼao!
Böi ataʼufi weʼao.
Ombakhaʼö ba mbanua Yehuda, ”Daʼa Lowalangimi!”+
10 Hiza! Tohare dania Yehowa Lowalangi Fondrege Zalawa si fao faʼabölö,
Hiza! Iʼohe zulö,
Ba no ifaʼanö ia ba wameʼe luo.+
11 Ikubaloi rorogöfönia simane kubalo.+
Iʼowuloi nono mbiri-biri faoma taʼionia,
Ba isakhei ira ba dötöʼania.
Ihaogö-haogö wamasao biri-biri samaenu ononia.+
Ba haniha zi tola mameʼe tanö maʼasagörö ba zi sambua nahia+
Mazui sangogunaʼö faliʼera ba wanuʼa hili
Ba sangogunaʼö kilo ba wanuʼa hili-hili?
13 Haniha zi no irai manuʼa* eheha Yehowa,
Ba haniha zinangea mameʼe mene-mene ba fanuturu lala khönia?+
14 Haʼökhö iʼandrö mene-mene enaʼö tola aboto ba dödönia,
Mazui haniha zamahaʼö yaʼia ba lala satulö,
Mazui samahaʼö yaʼia enaʼö so khönia waʼatua-tua,
Mazui sanuturu lala enaʼö isöndra waʼaboto ba dödö sindruhu sanandrösa khönia?+
15 Fefu soi no amaedola zi sambua mböi-böi nidanö ba doyo dimba,
Ba amaedola gawu-gawu si no falemba ba kilo.+
Ifazawa fefu hulo simane famezawania gawu-gawu fondrege zide-ide.
16 Ambö geu moroi ba Libano ba wangebuʼaö alitö,*
Ba lö ibönö gutu ndruʼu ba wameʼe sumange nitunu.
18 Haʼökhö mifaedogö Lowalangi?+
Hadia zi tola mifagölösi khönia?+
19 Tuka sonekhe zamazökhi adu,*
Ifoʼuli anaʼa daʼö sonekhe mamazökhi loga,+
Ba ifazökhi khönia rate moroi ba wirö.
20 Ifili geu ba wameʼe tolo-tolo,+
Eu si lö irai obou,
Iʼalui duka sonekhe
Ba wamazökhi adu nifahele si lö irai adudu.+
21 Hadia lö miʼila?
Hadia lö nirongomi?
Hadia lö mufatunö khömi iʼotarai ba wamobörö?
Hadia lö saboto ba dödömi me mufasindro wondrasi gulidanö?+
Ibologö mbanua si yawa simane famologö nukha sanifi-nifi
Ifadölö simane ose enaʼö tola toröi niha ba daʼö.+
23 Iheta niha segebua faka moroi ba dadaomara
Ba lö moguna ndra sanguhuku* si so ba gulidanö ibeʼe.
24 Hulö danömö zinanö sawena mutanö ira;
Simane tanömö sawena mufazawili,
Ba sawena mowaʼa ba danö.
Oköli ira na ilau angi,
Ba tobali ira simane töla wakhe niʼoloiʼö nangi.+
25 ”Haniha zi tola öfaedogö khögu ba wangoromaʼö wa fagölö ndraʼaga?” iwaʼö Lowalangi Niʼamoniʼö.
26 ”Faöga ndraʼugö si yawa ba faigi.
Haniha zomböi daʼa fefu?+
Yaʼia Lowalangi solohe baero ngawawa zaradadu moloʼö faʼatora;
Ikaoni ira moloʼö töira.+
Börö waʼabölönia sebua ba faʼabeʼenia,+
Lö hadöi si lö tohare.
27 Hana wa öwaʼö daʼö yaʼugö Yakobo, ba yaʼugö Izaraʼeli hana wa ömane,
’No tobini khö Yehowa lalagu;
Lö ibeʼe khögu waʼatulö Lowalangi’?+
28 Hadia lö öʼila? Hadia lö murongomö?
Yehowa andrö Zamazökhi ulidanö maʼasagörö, ba yaʼia Lowalangi irugi zi lö aetu.+
Lö irai marase mazui tebai ia.+
Tebai musuʼa waʼatua-tuania.+
30 Tebai dania nono matua ba erege dödöra,
Manendre ndraono matua si bohou ebua ba alabu ira,
31 Hizaʼi, ifuli dania teʼabölöʼö niha sanötöna khö Yehowa.
Muhombo ira hulö na so gafira simane moyo.+
Fagohi ira ba lö irai atage;
Mowaö-waö ira ba lö larasoi waʼerege dödö.”+