Sinunö

Misuno Yehowa yaʼami ono mbanuania,

Misuno döi Yehowa.

 2 Yatesuno döi Yehowa

Iʼotarai iadaʼa irugi zi lö aetu.+

 3 Iʼotarai gatumbukha irugi gaekhula,

Yatesuno döi Yehowa.+

 4 Alawa Yehowa moroi ba ngawalö soi;+

Italuʼi mbanua si yawa lakhöminia.+

 5 Haniha zi fagölö khö Yehowa Lowalangida,+

Si toröi* ba nahia fondrege zalawa?

 6 Ifaöndrö ia ba wamaigi banua awö danö,+

 7 Ifazawa niha si tebai moroi ba gawu-gawu.

Ifazawa niha si numana moroi ba dambu*+

 8 Enaʼö modadao ira ba zinga ndra tuhenöri,

Ba gotalua ndra tuhenöri ba nono mbanuania.

 9 Ibaliʼö ina somuso tödö ndra alawe si lö ono

Iʼamualagö khönia ndraono* ba nomonia.+