Halöwö Zinenge
28 Me no marugi ba lö hadia ia khöma, awena maʼila wa töi hulo andrö Malata.+ 2 Sökhi sibai gamuata niha mbanua daʼö* khöma. Lafewuaʼö galitö ba latemaʼö ndraʼaga börö me ibörögö moteu ba okafu sibai. 3 Me iʼowuloi Faulo geu fangebua galitö, ba börö waʼaukhu, möi baero gulö sobiso, idou danga Waulo. 4 Me laʼila niha mbanua andrö wa no manawa-nawa gulö ba danga Waulo, ibörögö lamane, ”Sindruhu wa samunu niha ia andre. Hewaʼae lö mate ia ba dalu nasi, hizaʼi lö itehegö auri ia Faʼatulö* andrö.” 5 Ifangewe gulö andrö ba galitö ba lö sesokho ia. 6 Lawalinga gambu dangania mazui mate ba zi lö mudöna-döna. Hizaʼi me no ara labaloi ba laʼila wa lö hadia ia khönia, tebulö gera-erara ba lamane te lowalangi niha daʼa.
7 Tanö si fasui ba daʼö okhöta Fubelio sondröniaʼö ba hulo andrö, itemaʼö ndraʼaga tobali tomenia ba itehe toröiga tölu hari ba daʼö. 8 Me luo daʼö, mofökhö nama Fubelio, göna ia faʼaukhu ba fökhö talu sabölö-bölö. Möi Waulo ba wangondrasi yaʼia ba mangandrö ia, itufa högö ba döhö.+ 9 Me no ifalua daʼö, laʼohe khö Waulo niha sofökhö ba hulo andrö enaʼö ifadöhö ira.+ 10 Oya göi labeʼe mbuala tandra wa lafosumange ndraʼaga, ba me mofanöga moloyo, lahenaigö fefu zoguna khöma.
11 Tölu waŵa aefa daʼö, moloyo ndraʼaga matörö göfa si so tandra ”Ono Matua si Faero khö Zeo”. Köfa daʼa moroi ba Alesandria ba ibaloi waʼaefa mbaŵa deu ba hulo andrö. 12 Marugi Zirakusa ba toröi ndraʼaga tölu hari ba daʼö, 13 ba matohugö zui woloyo marugi Regio. Sahari aefa daʼö, ilau angi moroi raya ba ofeta ndraʼaga ba Wuteoli ba ngaluo si dua. 14 Ba daʼö falukha ndraʼaga ndra talifusö, ba laforege khöma enaʼö toröi ndraʼaga khöra fitu hari waʼara. Aefa daʼö, mofanöga ba Roma. 15 Me no larongo waʼatoharema, lafalukhaisi ndraʼaga ira talifusö irugi Fasa Afiforo ba Tölu Daretabene.* Me iʼila ira Faulo, iʼandrö saohagölö khö Lowalangi ba tefarou dödönia.+ 16 Me marugi Roma ba gafuriata, latehegö khö Waulo toröi ia ha yaʼia, ba samösa zaradadu sanarogö.
17 Tölu hari aefa daʼö, ikaoni niha Yahudi si tehöngö. Me no owulo ira, imane, ”He ira talifusö, hewaʼae lö nilawagu soida mazui si toʼölö lafalua ira tuada me föna,+ labeʼe ndraʼo ba danga niha Romawi tobali niha gurunga ba Yeruzalema.+ 18 Me no awai lasekhegö,+ ba lafofanö ndraʼo börö me lö hadöi si tobali dane-dane wamunura yaʼo.+ 19 Börö me lö fao dödö niha Yahudi, andrö wa uʼohe farakaro daʼa föna Kaisaro,+ hizaʼi tenga omasido uböbögö zi lö duhu ba soigu. 20 Daʼö mbörö wa omasido falukha ba ufatunö khömi fefu. Börö wanötöna ndraono Gizaraʼeli, andrö wa larate ndraʼo simane daʼa.”+ 21 Lamane, ”Lö nitemama sura sanandrösa khöu moroi ba Yudea, ba lö göi irai lafatunö khöma ira talifusö si tohare moroi ba daʼö mazui so zi lö sökhi niwaʼöra sanandrösa khöu. 22 Hizaʼi omasiga marongo wehedemö, börö me maʼila wa fatuwu sibai niha ba agama daʼa+ gofu hezo.”+
23 Aefa daʼö latatugöi ginötö hawaʼara falukha ira khönia, ba abölö ato zangondrasi me lafalukhaisi ia ba nahiania. Iʼotarai sihulö wongi ofeta bongi, itutunö khöra ba ihaogö wamaduhuʼö sanandrösa ba Wamatörö Lowalangi enaʼö faduhu dödöra khö Yesu+ simane niwaʼö ba Goroisa Moze+ hegöi Nisura Ndra Samaʼeleʼö.+ 24 Ibörögö so niha si faduhu tödö ba wehedenia ba so göi zi löʼö. 25 Börö me faböʼö-böʼö niwaʼöra, ibörögö mofanö ira moroi ba daʼö, ba imane Faulo,
”Tefaudu sibai niwaʼö geheha niʼamoniʼö khö ndra tuami, niʼombakhaʼönia khö Yesaya samaʼeleʼö, 26 ’Aeʼe ba soi daʼa ba ömane khöra, ”Mirongo sa ba lö aboto ba dödömi, lö mamalö mifaigi hizaʼi lö miʼila.+ 27 Börö me no abeʼe dödö soi andre, larongo talingara, hizaʼi lö ba dödöra ba laduhö höröra irege lö irai laʼila faoma höröra, lö larongo talingara, lö aboto ba dödöra, ba lö lafuli ira khögu. Andrö lö ufadöhö ira.”’+ 28 Börö daʼö, yaʼaboto ba dödömi wa no tefaʼema ba soi böʼö duria fangorifi andre+ moroi khö Lowalangi. Tatu manö lafondrondrongo dania .”+ 29* ——
30 Toröi Waulo ba nomo nisewania dua fakhe waʼara+ ba itemaʼö fefu niha sangondrasi yaʼia. 31 Ituriaigö khöra Wamatörö Lowalangi ba lö taha-tahania ba wamahaʼö yaʼira sanandrösa khö Zoʼaya Yesu Keriso si fao faʼabarani.+