Ba Mbanua Niha Keriso ba Galatia
5 Iʼefaʼö ita Keriso enaʼö tarasoi wangefa simane daʼö. Andrö, miʼaroʼö ami+ ba böi mitehe iʼosawuyu ami saʼae.+
2 Yaʼo Faulo, omasido uʼombakhaʼö khömi. Na lasuna ami, lö moguna khömi nifalua Keriso.+ 3 Ufuli ufaduhuʼö ba niha somasi lasuna wa moguna laʼoʼö fefu zi so ba Goroisa Moze.+ 4 Na miforege wolohi enaʼö atulö ami ba goroisa,+ no mifabali ami khö Keriso ba no miröi lumö waʼasökhi dödönia sebua,* 5 ba tadöna-döna enaʼö atulö ita ba wamati hegöi ba geheha niʼamoniʼö. 6 Si ha sambua ba khö Keriso Yesu, tenga daʼö zabölö moguna no lasuna mazui löʼö,+ hizaʼi famati niforomaʼö ba waʼomasi.
7 Sökhi wagohisami me mböröta.+ Haniha zanaha yaʼami irege miböhöli iadaʼa woloʼö famahaʼö satulö? 8 Sondrönisi tödömi andrö tenga Lowalangi sogaoni yaʼami. 9 Ha maʼifu ragi tola kamba hamo darigu ibeʼe.+ 10 Faduhu dödögu wa fao dödömi yaʼami si ha sambua khö Zoʼaya.+ Hizaʼi, niha samobörö fangala ba gotaluami+ göna ia fanguhuku gofu haniha ia. 11 He yaʼami ira talifusö, na uʼombakhaʼö khömi sanandrösa ba wosuna, hana wa göna ndraʼo folohi? Na simane daʼö, lö hadöi si teʼala ba wamahaʼögu andrö sanandrösa ba waʼamate Yesu si no laʼosö ba döla geu famakao.*+ 12 Utötöna wa niha samawukaisi yaʼami enaʼö lafufu mazui lataba samösa wamatuara.*
13 Yaʼami ira talifusö, no tekaoni ami ba wangefa andrö, hizaʼi böi miʼogunaʼö wangefa andrö ba wamalua isö-isö nösi.+ Andrö, faoma mitolo nawömi si fao faʼomasi.+ 14 Fefu Goroisa Moze no teʼosambuaʼö* ia ba zi sambua oroisa: ”Omasiʼö nawöu simane faʼomasiu ndraʼugö.”+ 15 Na lö miböhöli waʼudusa ba faoma mifaʼala nawömi,+ miʼangelama börö me tola manö mibunu nawömi.+
16 Omasido uwaʼö: Böi miböhöli woloʼö fanuturu lala geheha andrö,+ ba böi migohi wangisö nösi andrö.+ 17 Faböʼö wangisö nösi andrö moroi ba geheha niʼamoniʼö, ba faböʼö geheha niʼamoniʼö andrö moroi ba wangisö nösi. Börö me faböʼö, tebai mifalua zomasi dödömi.+ 18 Aefa daʼö, na ituturu lala khömi eheha niʼamoniʼö, tenga barö mbawa goroisa so ami.
19 No oroma mbua-bua nösi yaʼia daʼö fohorö,*+ faʼaraʼiö, amuata si lö faʼaila,*+ 20 fanömba adu, fakelemusa,+ faʼudusa, fasosota, faʼolohu, fönu, fatötöisa, faʼafabali wangera-ngera, foloʼö famahaʼö niha, 21 faʼafökhö dödö, femabu-mabu,+ famalua owasa si lö sökhi, ba tanö böʼönia.+ Ufuli ufangelama ami, simane si no uwaʼö: Niha si lö mamöhöli wamalua daʼö, tebai tefaʼamöi ba Wamatörö Lowalangi.+
22 Hizaʼi, bua-bua geheha yaʼia daʼö faʼomasi, faʼomuso dödö, faʼohahau dödö, faʼebolo dödö, faʼasökhi dödö, faʼasökhi,+ famati, 23 falöʼalio mofönu, ba fanaha tödö.+ Lö hadöi oroisa solawa daʼö. 24 Baero daʼö, niha si tobali tana khö Keriso Yesu, no labunu fefu wangisö nösi andrö sanao horö.+
25 Na taʼoʼö wanuturu lala moroi ba geheha, ba böi taböhöli wamalua amuata nituturu geheha andrö.+ 26 Böi fayawa ita,+ fahulö,+ mazui afökhö dödöda khö nawöda.