Sinunö
Sambua sinunö. Sinunö ngaʼötö Gora.+ Khö zondröniaʼö sinunö: Mufaudugö notenia ba Mahalata,* lafagema-gema woʼanunöisi. Masikili* moroi khö Hemano+ ngaʼötö Zera.
88 He Yehowa, Lowalangi Sangorifi yaʼo,+
Muʼao ndraʼo khöu ba zi maʼökhö,
Ba uʼondrasi ndraʼugö ba zi bongi.+
2 Yaʼofeta khöu wangandrögu.+
Beʼe mbörö dalingau ba* weʼaogu ba wangandrö fanolo.+
4 Farahu ndraʼo ba gotalua niha si möi tou ba lewatö;+
Tobali ndraʼo niha si lö faʼabölö,+
5 Niröi manö ba gotalua zi mate,
Simane amatela nifadölö ba lewatö,
Si lö saʼae itörö tödöu
Ba si no aheta barö lumö gafimö.*
6 Öbeʼe ndraʼo ba dögi sabölö abakha,
Ba nahia sogömi-gömi ba dögi fondrege zabakha.
7 Ihöndrögö ndraʼo fönumö,+
Ba öbözi ndraʼo faoma abotola mbade khöu. (Sela)
8 Öʼaröuʼö khögu niha si no faʼila khögu;+
Ogoro ira ndraʼo öbeʼe.
No teʼuʼu ndraʼo ba tebai moloido.
9 Atage hörögu börö waʼatosasagu.+
He Yehowa, ero maʼökhö uʼangaröfili ndraʼugö;+
Uʼoroʼö dangagu khöu.
10 Hadia öfalua zahöli-höli dödö ba niha si no mate?
Hadia ifuli maoso niha si no mate si lö faʼabölö ba wanuno yaʼugö?+ (Sela)
11 Hadia ladunö-dunö ba lewatö waʼomasimö si lö faröi,
Ba faʼalöfaröimö ba nahia wamakiko?*
12 Hadia aboto ba dödö niha zahöli-höli dödö andrö khöu ba zogömi-gömi
Mazui faʼatulömö ba soi niha niʼolifugö?+
13 He Yehowa, lö uböhöli woʼangaröfili yaʼugö ba wangandrö fanolo,+
Ofeta khöu wangandrögu ero sihulö wongi.+
14 He Yehowa, hana wa ötimbagö ndraʼo?+
Hana wa öbiniʼö mbawamö khögu?+
15 No tefakao ndraʼo iʼotarai me ide-ide ba arakhagö mate;+
Oya ötehegö alua khögu zi hokha mbugu,
Ba lö faʼabölögu.
16 Ibözi ndraʼo hola-hola wönumö;+
Tekiko ndraʼo ba wametaʼu andrö moroi khöu.
17 Ero maʼökhö, no ifasui ndraʼo hulö nidanö,
No ifasui* wamaʼuʼu yaʼo.
18 Öʼaröuʼö khögu zi fahuwu khögu hegöi ira awögu;+
Lö iröi ndraʼo faʼogömi-gömi.