Amaedola
17 Abölö sökhi zi sambawa roti ba nomo safönu faʼohahau dödö+
2 Sawuyu si so faʼaboto ba dödö, ifatörö nono zokhö yaʼia sangaʼasogö fangaila;
Itema dania gondröita simane ono zokhö yaʼia.
4 Niha si lö sökhi iʼameʼegö tödö wehede sagafökhö,
Ba si falimo ifondrondrongo wehede fangobousi.+
5 Haniha zangoʼaya niha si numana ba no iʼoʼaya Zomböi yaʼia,+
Ba haniha zomuso tödö ba gabula dödö niha böʼö, hasambalö tehuku.+
9 Niha sangefaʼö* olalöwa ba no iforomaʼö waʼomasi,+
Hizaʼi aetu wahuwusa na mufuli mufasugi gabula dödö si no awai.+
10 Abölö sökhi zi sambua fanegu ba niha si so faʼaboto ba dödö+
Moroi na mubözi niha si bodo mato otu kali.+
11 Ha famadaö zomasi niha si lö sökhi,
Hizaʼi lafatenge niha samuʼi ba wanguhuku yaʼia.+
12 Abölö sökhi falukha ita mberua si taya ono
Moroi na falukha ita ba niha si bodo ba wa lö tödönia.+
13 Na so zanulöni si sökhi faoma si lö sökhi,
Lö aheta ba nösi nomonia waʼalösökhi.+
15 Sangefasi niha si lö sökhi hegöi samöbögö si lö atulö ba niha si lö olalöwa+
Ogoro Yehowa wamaigi yaʼira.
16 Hadia gunania na tola iʼokhögö waʼatua-tua niha si bodo,
18 Niha si lö faʼatua-tua, fatabe ia ba ilau fawuʼu li
Ba weʼamöi ba wali ba niha böʼö föna nawönia.+
19 Niha sangomasiʼö faʼudusa iʼomasiʼö wamalua olalöwa.+
Ba niha sebua bawa* ifakiko ia samösa.+
21 Ono si bodo tobali fangabu dödö namania,
Ba lö omuso dödö nama sangokhögö ono si lö tödö.+
24 Bua gera-era niha satua-tua lua-luania aekhu ba waʼaboto ba dödö,
Hizaʼi hörö niha si bodo iʼanöröi mbalö danö faföfö.+
25 Ono si bodo tobali fangabu dödö namania
Ba möi fangafökhö dödö ninania.+
26 Lö sökhi na tehuku* niha satulö,
Ba no aröu faehu moroi ba zindruhu na mubözi niha nifosumange.
28 Atua-tua tawaʼö niha si bodo na lö hede-hedenia,
Ba niha sondruhö bawania iʼokhögö waʼaboto ba dödö.