Amaedola
8 Hadia tenga no muʼao waʼatua-tua andrö?
Hadia tenga no ifarongogö linia faʼaboto ba dödö?+
2 Mozizio ia ba zuzu hili,+
Ba zinga lala hegöi ba wabaliwa lala.
4 ”Khömi muʼao ndraʼo;
Ba niha fefu* muʼao ndraʼo.
5 Yaʼami niha si lö faʼaboto ba dödö, mifahaʼö ami ba waʼatua-tua;+
Yaʼami niha si bodo, miʼalui dödö satua-tua.*
6 Mifondrondrongo, börö me moguna sibai wehedegu andre,
Atulö fefu niwaʼögu;
7 Ingöngögö bawagu zindruhu,
Ba fatuwu ba mbewegu zi lö sökhi.
8 Atulö fefu ngawua wehede salua ba mbawagu.
Sambua lö falimosa mazui faʼelungu.
9 Adölö wehedegu andrö ba niha si so faʼaboto ba dödö
Ba atulö ia ba niha sanöndra faʼatua-tua.
10 Fili mene-menegu,* böi fili wirö,
Ba fili waʼaboto ba dödö, böi fili ganaʼa si sökhi,+
11 Abölö ebua mböli waʼatua-tua moroi ba gara sebua böli ba nasi;
Lö si fagölö khönia moroi ba zomasi dödöu fefu.
12 Yaʼo waʼatua-tua, si fao ba waʼonekhe;
No usöndra waʼaboto ba dödö awö wangera-ngera.+
13 Fangataʼufi Yehowa ba no faʼogoro ba zi lö sökhi.+
Fatuwu ndraʼo waʼasiliyawa ba fayawasa,+ simanö göi waʼalösökhi ba falimosa.+
15 Börö ndraʼo wa lö tebulö mamatörö ndra razo,
Ba lahonogöi huku satulö ira samatörö.+
16 Börö ndraʼo wa lö tebulö mamatörö ndra sondröniaʼö,
Ba laʼetuʼö huku satulö ira tuhenöri.
17 Omasido niha sangomasiʼö yaʼo,
Ba niha sangalui yaʼo hasambalö isöndra ndraʼo.+
18 So khögu waʼakayo ba faʼamolakhömi,
Faʼatulö hegöi harato si lö tebulö irugi zi lö aetu.*
19 Abölö sökhi nibeʼegu moroi ba ganaʼa, töra moroi ba ganaʼa si sökhi si no mufatörö ba galitö,
Ba abölö sökhi nitemamö moroi khögu, tohude moroi ba wirö fondrege zi sökhi.+
20 Utörö lala sindruhu,
Ba hunö lala waʼatulö;
21 Ubeʼe ba niha niʼomasiʼögu gondröita sebua böli,
Ba afönu naha wangiröʼö khöra ubeʼe.
22 Iwöwöi ndraʼo Yehowa si tobali böröta halöwönia,+
Siaʼa moroi ba ngawalö halöwö dangania me mböröta.+
25 Fatua lö mufataro hili,
Ba fatua lö teʼasogö hili-hili, no tewöwöi ndraʼo,
26 Fatua lö ifazökhi gulidanö awö mbenua
Mazui ngaʼörö dambu si föföna ba danö.
27 Me ibörögö wamazökhi banua si yawa,+ so ndraʼo ba daʼö;
Me ifazökhi nola ba gotalua dalu mbanua awö nasi,+
28 Me ifazökhi* lawuo si yawa,
Me ifataro gumbu nidanö ba zabakha,
29 Me ibeʼe gamakhoita ba nasi
Enaʼö lö isawö nola si no muhonogöi idanönia andrö,+
Me ihonogöi wondrasi gulidanö,
Ha yaʼo zabölö iʼomasiʼö+ ero maʼökhö;
Ero inötö falukha ndraʼo waʼomuso dödö tanö fönania;+
31 Omuso dödögu börö me tola laʼiagö gulidanö nifazökhinia,
Ba omasido göi niha gulidanö.*
32 Andrö yaʼami iraonogu, mifondrondrongo wehedegu;
Niha sanörö lalagu andrö ba falukha ia waʼomuso dödö.
33 Fondrondrongo mene-mene+ ba yaʼatua-tua ndraʼugö,
Ba böi osiwawöi ia.
34 Yaʼahowu niha samondrondrongo yaʼo
Si möi ba mbawandruhö khögu ero maʼökhö na sihulö wongi,
Ba sombaloi ba zinga mbawa göli andrö khögu;
35 Börö me niha sanöndra yaʼo daʼö dania zanöndra faʼauri,+
Ba iʼomasiʼö ia Yehowa.
36 Hizaʼi, niha sangosiwawöi yaʼo, ifaʼala waʼaurinia,
Ba fefu zi lö mangomasiʼö yaʼo, no iʼomasiʼö waʼamate.”+