Ba Niha Heberaiʼo
2 Daʼö mbörö wa moguna taʼameʼegö tödö zi no tarongo,+ töra moroi ba zi toʼölö faböi ahani ita ba wamati.+ 2 Na sindruhu moguna daromali nifaʼema khö ndra malaʼika,+ ba dozi niha sanawö huku mazui si lö moloʼö hasambalö göna ia fanguhuku si tefaudu,+ 3 hewisa wa tola teʼefaʼö ita na lö taʼameʼegö tödö wangorifi sahöli-höli dödö andre?+ Turia daʼa tefaʼema khö Zoʼaya yaʼita+ ba wamobörö, ba lafaduhuʼö khöda dozi si no mamondrongo yaʼia, 4 iforomaʼö wamaduhuʼönia Lowalangi ba ngawalö zahöli-höli dödö hegöi tandra, ngawalö halöwö safönu faʼabölö,+ ba eheha niʼamoniʼö nibeʼenia si faudu ba zomasi ia.+
5 Tenga sa barö wamatörö ndra malaʼika ibeʼe gulidanö nidunö-dunöma andre si so miföna.+ 6 Hizaʼi, so samösa zamaduhuʼö si no irai manura, ”Haniha niha andrö irege itörö tödöu ia, mazui haniha nono niha andrö irege öʼameʼegö tödö ia?+ 7 No öʼide-ideʼö ia maʼifu moroi khö ndra malaʼika; öfotakula ia faoma lakhömi ba sumange ba öbeʼe khönia kuaso ba gomböila dangamö. 8 No öbeʼe barö gahenia fefu hadia ia.”+ Me no öbeʼe fefu barö wamatörönia,+ oi dozi mangalulu khönia ibeʼe Lowalangi.+ Atulö, lö niʼilada iadaʼa wa no tebeʼe barö wamatörönia fefu.+ 9 Hizaʼi, no taʼila Yesu si no muʼide-ideʼö moroi khö ndra malaʼika,+ tefotakula ia faoma sumange börö me no tefakao ia irugi waʼamate.+ Börö waʼasökhi dödö sebua* moroi khö Lowalangi, itaögö waʼamate salahi zato.+
10 Fefu hadia ia börö Lowalangi wa teʼasogö ba khönia. Börö daʼö, enaʼö tefolakhömi nononia sato,+ sinangea na ifoʼahonoa Zalawa andrö sangorifi yaʼira+ ba ngawalö wamakao.+ 11 Sangamoniʼö hegöi niʼamoniʼö+ fagölö-gölö moroi khö Nama si ha samösa,+ irege lö aila ia wamotöi yaʼira talifusö.+ 12 Imane, ”Uʼombakhaʼö döimö ba gotalua ndra talifusögu. Usuno ndraʼugö ba gotalua mbanua niha Keriso faoma sinunö.”+ 13 Imane nasa, ”Uʼodaligö ia dania.”+ Imane zui, ”Yaʼe ndraʼo hegöi iraono side-ide si no ibeʼe Yehowa* khögu.”+
14 Andrö tobali ia niha börö me ösi niha göi ”ndraono side-ide andrö”,+ irege faʼamatenia zi tola mangeheta Afökha+ sangaʼasogö faʼamate,+ 15 ba tola iʼefaʼö fefu niha niʼosawuyu ba waʼataʼura waʼamate andrö sandrohu faʼaurira.+ 16 Nitolonia tenga ira malaʼika, hizaʼi maʼuwu Gaberahamo.+ 17 Andrö lö tola löʼö fagölö-gölö ia khö ndra talifusönia ba ngawalö hadia ia,+ enaʼö tola tobali ia ere sebua safönu faʼahakhö dödö ba si lö faröi wangai halöwö khö Lowalangi, irege tola ibeʼe zumange fangatulö+ salahi niha sebua horö.+ 18 Börö me no irai itörö wamakao me tetandraigö ia,+ andrö wa tola itolo niha si göna fanandraigö.+