BUKU SIFÖFÖNA
(Sinunö 1-41)
1 Yaʼahowu niha si lö moloʼö fanuturu lala niha si lö sökhi
Ba si lö manörö lala niha sebua horö+
Ba si lö modadao ba zi dadao sangoʼaya,+
2 Hizaʼi sangomasiʼö oroisa Yehowa,+
Sombaso oroisania ba samatou-tou tödönia bongi maʼökhö.+
3 Hulö geu nitanö ba zinga gelea nidanö ia,
Sowua ba ginötönia,
Ba lö aleu mbulunia.
Fefu nifaluania ba mofozu.+
4 Tenga simane daʼö niha si lö sökhi;
Hulö guliho ira niʼoloiʼö nangi.
5 Lö teʼefaʼö niha si lö sökhi ba wanguhuku;+
Lö orudu niha sebua horö ba zowulo niha satulö.+
6 Iʼila Yehowa lala waʼauri niha satulö,+
Hizaʼi lala waʼauri niha si lö sökhi ba lö mofozu.+