Sinunö
91 Gofu haniha zi toröi ba nahia si tobini khö Wondrege Zalawa+
Ba toröi ia barö lumö Wondrege Zabölö.+
2 Umane dania khö Yehowa, ”Sawatögu ndraʼugö ba baʼa-baʼagu,+
Yaʼugö Lowalangigu, faduhu dödögu khöu.”+
3 Börö me iʼefaʼö ndraʼugö moroi ba dandrawa zamaʼala fofo,
Ba moroi ba wökhö waba samakiko.
Faʼalöfaröinia+ tobali baluse sebua+ ba baʼa-baʼa folumöʼö.
5 Lö ataʼu ndraʼugö na so wamaʼala salua ba zi bongi,+
Mazui ono wana si hombo ba zi maʼökhö,+
6 Mazui fökhö waba samauze ba zogömi-gömi,
Mazui faʼatekiko salua ba zi laluo.
8 Ha samaigi-maigi manö dania ndraʼugö
Ba anehe ndraʼugö wanguhuku* si göna niha si lö sökhi.
9 Ömane dania, ”Yehowa zawatögu,”
No öbaliʼö nahia waʼatoröimö* Wondrege Zalawa;+
10 Lö göna khöu wangabu dödö,+
Ba lö ihatöʼö ia faʼatosasa ba nosemö.
13 Öhundragö dania zingo sawuyu-wuyu ba ulö daritö;
Ba ötarai zingo sabölö hegöi ulö sesolo.+
14 Imane Lowalangi, ”Börö me iʼomasiʼö ndraʼodo,* ba uʼefaʼö dania ia.+
Ulumöʼö ia börö me iʼila* döigu.+
15 Muʼao ia khögu ba utema linia.+
Fao ndraʼo khönia ba ginötö waʼatosasa.+
Uʼefaʼö ia ba ufolakhömi.