Ba Niha Heberaiʼo
8 Daʼa duho siföföna nifatunöma: So khöda gere sebua simane daʼö,+ ba no modadao ia ba gambölö lakhömi Lowalangi Sebua Lakhömi si so ba zorugo,+ 2 tobali enoni ba nahia niʼamoniʼö+ hegöi ba nose sindruhu, tenga nifasindro niha hizaʼi nifasindro Yehowa.* 3 Ero samösa gere sebua tefataro ia ba wameʼe buala hegöi sumange nitunu, ba moguna göi ibeʼe zumange.+ 4 Na ba gulidanö andre so ia, lö tobali ia ere+ börö me no so niha samaʼema sumange andrö moloʼö Oroisa Moze. 5 Halöwö niʼamoniʼö nifaluara andrö no tobali duma-duma ba lumö-lumö+ moroi ba ngawalö zi so ba zorugo.+ Oroma daʼa ba goroisa nibeʼe Lowalangi khö Moze, nibeʼenia me ifazökhi nose andrö yaʼia daʼö, ”Fazökhi fefu daʼö simane famaedo niforomaʼögu khöu ba hili andre.”+ 6 Iadaʼa, no tebeʼe khö Yesu halöwö sabölö moguna börö me yaʼia zangagö talu gotalua+ ba gamabuʼula li sabölö sökhi,+ si no mufaduhuʼö ba teʼodane-dane ba mbuʼusa li sabölö sökhi.+
7 Na lö soʼamböta ba gamabuʼula li siföföna, lö moguna saʼae so gamabuʼula li si mendrua.+ 8 Hizaʼi, iʼila Lowalangi zoʼamböta ba soi daʼö. ”Imane Yehowa,* ’Ba ginötönia dania, ubeʼe gamabuʼula li si bohou ba ndraono Gizaraʼeli hegöi ba niha Yehuda.’ 9 Imane nasa Yehowa,* ’Tenga simane amabuʼula li nibeʼegu khö ndra tuara, me ugogohe dangara ba me uheta ira ba danö Miserai,+ börö me lö faduhu dödöra ba gamabuʼula ligu irege uʼerogö ira.’
10 ”’Daʼa mbuʼusa ligu ba ndraono Gizaraʼeli me no aefa luo daʼö,’ iwaʼö Yehowa.* ’Ubeʼe ba gera-erara goroisagu ba usura ba dödöra.+ Tobali Lowalangira ndraʼo ba ono mbanuagu ira.+
11 ”’Samösa lö ba gotaluara zamahaʼö awönia ba soira hegöi talifusönia enaʼö aboto ba dödöra Yehowa,* börö me fefu ira oi aboto ba dödöra ndraʼo iʼotarai ba ndraono irugi zatua. 12 Ubologö dödögu ba zala nifaluara ba lö itörö tödögu saʼae horöra.’”+
13 Börö me iwaʼö ”gamabuʼula li si bohou”, atua saʼae gamabuʼula li siföföna+ ba gofu hadia zi no atua ba si no numalö ndröfi, taya saʼae daʼö ba zi lö ara tö.+